Արգենտինացի դատախազ Ալբերտո Նիսմալը Բուենոս Այրեսում 1994թ. տեղի ունեցած ռումբի պայթյունի գործով դատավարության ժամանակ հայտարարել է, որ Իրանը Լատինական Ամերիկայում ահաբեկչական ցանց է ստեղծել, հայտնում է BBC News-ը:
«Ես պաշտոնապես մեղադրում եմ Իրանին Հարավային Ամերիկայի որոշ երկրներում հետախուզական շտաբ, այլ կերպ ասած լրտեսական կենտրոններ ստեղծելու մտադրության մեջ, որոնց նպատակն է ահաբեկչական գործողությունների խրախուսումը»,-հայտարարել է Նիսմալը հրեական կենտրոնում տեղի ունեցած պայթյունի մասին գործով: Ըստ նրա, Իրանի հետախուզության թիրախը եղել են Բրազիլիան, Պարագվայը, Ուրուգվայը, Չիլին, Կոլումբիան և այլ երկրներ: Իրանական լրտեսական ցանցի համակարգող նա համարում է Մոհսեն Ռաբբանիի, որը Բուենոս Այրեսում Իրանի դեսպանության նախկին մշակութային կենտրոնն է: