ԱՄՆ քաղաքացին և Մեծ Բրիտանիայի հպատակը զոհվել են Սիրիայում, կռվելով կառավարական ուժերի դեմ: Ըստ պաշտոնական Դամասկոսի, 33-ամյա Նիկոլ Մեսնֆիլդը և բրիտանացի Ալի Մանասիֆին նկարահանում էին ռազմական օբյեկտները, նրանք երկուսն էլ իսլամ էին դավանում:
Վաշինգտոնը դեռ չի մեկնաբանել այդ փաստը՝ հայտարարելով միայն, որ տեղյակ է կատարվածին: Շարունկավում են մարտերը Էլ Քուսեյր քաղաքի մոտ: Ըստ ապստամբների, քաղաքում հարյուրավոր վիրավորներ կան, որոնց հնարավոր չէ տարհանել: Մարտեր են ընթանում նաև Հոմսի ու Հալեպի արվարձաններում: