Նորվեգացի գրոսմայստեր Մագնուս Կարլսենը և հնդիկ Վիշվանաթան Անանդը հոգեբանորեն հավասար պայմաններում կլինեն Չեննայում շախմատային թագի համար մրցախաղում, որը կկայանա Անանդի հայրենիքում, հայտարարել է ՖԻԴԵ-ի նախագահ Կիրսան Իլյումժինովը:

«Դեռ հարցական է հարազատ պատերն օգնում են, թե չեն օգնում: Ինձ թվում է, որ ավելի շատ են նյարդերը, երբ բոլորը միայն հաղթանակի են սպասում: Հոգեբանորեն նրանք հավասար պայմաններում են»,-ասել է Իլյումժինովը:

Շախմատային թագի համար մրցախաղը տեղի կունենա նոյեմբերին: