Թուրքիայի վարչապետ Ռեջեփ Թայիփ Էրդողանը Բյուզանդիայի քրիստոնյա կայսրերի ժամանակը պատմության «մութ էջ» է անվանել: Ըստ Էրդողանի, XV-դ դարում, երբ մահմեդականները նվաճեցին Կոստանդնուպոլիսը, եկավ «Լուսավորության ժամանակը», գրում է kath.net-ը:

Այս ելույթը Էրդողանն ունեցել է Ստամբուլում Բոսֆորի վրայով նոր կամրջի հիմնարկեքի արարողության ժամանակ: «Եվ այսօր մենք շարունակում ենք գրել պատմությունը»,-հայտարարել է Էրդողանը:

Մայիսի 29-ին Թուրքիայում մեծ շուքով են նշել Բյուզանդիայի կայսրության անկման տարելիցը: Թուրքական իշխանությունները նշել են Բյուզանդիայի հանդեպ հաղթանակի տարելիցը մի շարք ընդունելություններով ու հանդիսավոր միջոցառումներով: