Հայաստանն առաջին անգամ կմասնակցի պոպուլյար երգի «Եվրատեսիլ-2006» մրցույթին: Այդ մասին այսօր կայացած մամլո ասուլիսի ժամանակ հայտարարել է Հանրային հեռուստաընկերության գլխավոր պրոդյուսեր Հրաչ Քեշիշյանը: Նրա խոսքերով, այդ մրցույթում Հայաստանը կներկայցնի Անդրեն, որը կկատարի «Մնա ինձ հետ» աշխատանքային անվանումով երգը: Հայաստանը միակն է հարավկովկասյան երկրներից, որ կմասնակցի մրցույթին: Մայիսի 18-ին տեղի կունենա «Եվրատեսիլ-2006» մրցույթի կիսաեզրափակիչը, որին կմասնակցեն 24 երկրների ներկայացուցիչներ: 10 մասնակից դուրս կգա եզրափակիչ, որը տեղի կունենա մայիսի 20-ին: