ԱԻ նախարար. Շվեյցարիայի հետ համատեղ ծրագրերը շատ են և մեկը մյուսից արդյունավետ31 մայիսի 2013 - 22:03 AMT PanARMENIAN.Net - Այսօր ՀՀ ԱԻ նախարարությունում հրաժեշտի այցով հյուրընկալվել էր ՀՀ-ում Շվեյցարիայի արտակարգ և լիազոր դեսպան Կոնստանտին Օբոլենսկին։ Այս մասին PanARMENIAN.Net ը տեղեկանում է ԱԻՆ լրատվական ծառայությունից: ԱԻ նախարար Արմեն Երիցյանը նշել է, որ Շվեյցարիայի համագործակցության և զարգացման գործակալությունը նախարարության ամենաարժեքավոր ու հավատարիմ գործընկերներից է.«Շվեյցարական գործակալության հետ իրականացված ծրագրերը շատ հաջողված են ու օգտակար։ Սա այն հազվագյուտ դեպքերից է, երբ իրականացված ծրագրերն այնքան շատ են ու մեկը մյուսից արդյունավետ, որ չգիտեմ, թե որի համար պիտի ավելի երախտապարտ լինենք։ Իմ և իմ գործընկերների անունից շնորհակալություն եմ հայտնում նման փոխգործացկության համար։ Այն մարդկային վերաբերմունքը և աջակցությունը, որ մեր նախարարությունը ստացել է շվեյցարական կառավարությունից անգնահատելի է։ Վստահ եմ, որ այն շարունակական է լինելու, և մենք միասին քայլելու ենք առաջ»: Դեսպան Օբոլենսկին վստահություն է հայտնել, որ Հայաստանում Շվեյցարիայի հաջորդ դեսպանի հետ աշխատանքը նույնքան դրական արդյունքներ կտա։ «Ուզում եմ ընդգծել, որ Հայաստանում արտակարգ իրավիճակների բնագավառում իրականացված ծրագրերը շար կարևոր են նաև Շվեյցարիայի կառավարության համար։ Տեսնում ենք նախարարության առաջընթացը, և ուրախ ենք, որ մեր համագործակցությունը ևս նպաստել է դրան։ Չնայած դիվանագիտական ծառայությունը ենթադրում է հաճախակի տեղափոխություններ երկրից երկիր` երբ քեզ լավ են ընդունում և համատեղ աշխատանքը հաջող է ստացվում, մեծ դժվարությամբ ես հրաժեշտ տալիս այդ երկրին ու գործընկերներին», - ասել է նա։ 2004 թվականից լուրջ համագործակցություն ծավալելով արտակարգ իրավիճակների կառավարման ոլորտում` ՇԶՀԳ-ն աջակցել է աղետների ռիսկերի նվազեցման ոլորտում տարբեր ծրագրերի։ 2006 - 2010 թթ. «Արձագանք» ծրագրի միջոցով ստեղծվեց ապակենտրոնացված փրկարարական համակարգ, ուսուցանվեցին փրկարարներ և հրշեջներ, հրշեջ մասերը վերազինվեցին անհրաժեշտ սարքավորումներով: Այնուհետև` երկու ենթածրագրերի շնորհիվ, փրկարարները և հրշեջները հանրային իրազեկման, բնակչության և ԶԼՄ-ների հետ աշխատանքի դասընթացներ անցան, իսկ ընտրված բուժանձնակազմը վերազինվեց անհրաժեշտ սարքավորումներով և անցավ նախահիվանդանոցային օգնություն ցուցաբերելու և արտակարգ իրավիճակներում փրկարարների հետ համագործակցելու դասընթացներ: «Բուժմիավորումներ» ծրագրի պիլոտային փուլի հաջող իրականացումը հիմք հանդիսացավ Հայաստանի մարզերում ծրագրի իրագործման համար։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում |