«Չիկոն իմ ամենալավ ընկերն ա, մենք իրար շատ լավ ենք հասկանում: Մենակ ֆուտբոլում ա, որ իրար հետ չունենք: Դե ես Ռոնալդուն եմ, ինքն էլ Մեսսին»,- ասում է ՍՕՍ մանկական գյուղում ապրող Ստյոպիկը: Ամեն օր նա դասից գալիս է տուն, դասերն անում, հետո մազերը Ռեալ Մադրիդի հարձակվող Ռոնալդուի նման սանրում ու վազում ֆուտբոլի դաշտ: Ստյոպիկին այստեղ տատն է բերել, նա ՍՕՍ ընտանքիում ապրում է հարազատ քրոջ ու եղբոր և ՍՕՍ-քույրերի, եղբայների, մայրիկի հետ:
Չիկոն՝ Արմենը, ապրում է հարևան տանը: «Իմ ամենալավ ընկերը Ստյոպիկն ա: Մենք երկուսս ուզում ենք ֆուտբոլիստ դառնալ»,- ասում է Արմենը, ով ՍՕՍ մանկական գյուղում է արդեն մի քանի տարի: Նա եկել է այստեղ, քանի որ մայրը պետք է արտասահման գնար: Մոր հետ կապը կա, զանգում է: Մոր մասին Չիկոն շատ բան չի պատմում:
Չիկոն ու Ստյոպիկը կամ ՍՕՍ մանկական գյուղի Մեսսին ու Ռոնալդուն երազում են այս ֆուտբոլիսների մարզաշապիկները և, ինչպես իրենք են ասում, «շիպերով բուծի» ունենալ: ՍՕՍ մանկական գյուղում ապագա ֆուտբոլիստներ շատ կան: Այստեղ այս պահին 64 երեխա է ապրում: ՍՕՍ ընտանիքներում կա 6-7 երեխա, որոնց խնամում է ՍՕՍ-մայրիկը:
