Վրաստանի կրթության նախարարը մտադիր է կրկին ընդգրկել ռուսաց լեզուն դպրոցական ծրագրում: Եթե Թբիլիսիի ու Մոսկվայի հարաբերությունները կարգավորվեն, ռուսաց լեզվի իմացությունն անհրաժեշտ կլինի, գտնում են փորձագետները:

Ռուսական մանկապարտեզներն ու դպրոցները փակվեցին 2008 թվականին: Ռուսաց լեզվի դասավանդումը բոլոր կրթական հաստատություններում ևս դադարեցվեց: Վրաստանի կրթության նախարար Գեորգի Մարգվելաշվիլին խոստովանել է, որ այդ միջոցը հիմնավորված չէր և արհեստականորեն է իրականացվել, գրում է Georgia Times-ը: Սակայն, նախարարը չի հստակեցրել, թե երբ դա տեղի կունենա և կպահանջվեն արդյոք ուղղումներ օրենքում:

Այժմ վրացական դպրոցներում անգլերենն ուսուցանվում է որպես առաջին օտար լեզու առաջին դասարանից, երկրորդը հայտնվում է ծրագրում միայն վեցերորդ դասարանում: