Վերջին օրերին Թուրքիայում տեղի ունեցող բողոքի ակցիաները, ըստ թուրքագետ Անդրանիկ Իսպիրյանի, ձռնտու են ինչպես Սիրիային, այնպես էլ Իրանին:
«Մինչ Թուրքիան զբաղված է ներքին խնդիրներով և աչքաթող է արել Սիրիային, Բաշար Ասադը կարողացել է թայմ-աութ վերցնել և նոր հարվածներ հասցնել գրոհայիններն: Իսկ Իրանին միշտ է ձեռնտու է, որպեսզի հարևան Թուրքիայում լինի անկայուն վիճակ»,- ասաց Իսպիրյանը:
Ըստ նրա, Ռեջեփ Թայիփ Էրդողանը ԱՄՆ-ից և Եվրոպայից չէր սպասում այնպիսի գնահատականների, ինչպիսիք հնչեցին Գեզի պուրակի բողոքի ակցիաների հետ կապված:
«ԱՄՆ-ի սենատը Թուրքաիայի վարչապետին բռնապետի հետ համեմատեց: Պետքարտուղարությունն էլ ցույց տվեց, որ վերաբերմունքը փոխվել է: Եվրոպան ևս քննադատեղ սուլթան Էրդողանին: Արևմուտքը Թուրքիային որպես գործիք է օգտագործում, բայց չի ցանկանում տեսնել նրան տարածաշրջանում ինքնուրույն»,- նշեց նա:
