Լեռնային Ղարաբաղի Հանրապետության արտգործնախարարությունում հերքել են Ադրբեջանի ԶԼՄ-ների տարածած «շփման գծի Տերտերի ուղղությամբ ինքնաձիգներից եւ հրանոթներից Ադրբեջանի զինված ուժերի գնդակոծման մասին» հայտարարությունը : Ինչպես հաղորդել է PanARMENIAN.Net գործակալությանը ԼՂՀ ԱԳՆ վերլուծական բաժնի աշխատակից Լեոնիդ Մարտիրոսյանը, սա «ադրբեջանական կողմի հերթական կեղծիքն է»: Նրա խոսքերով, նման տիպի հաղորդագրությունները չեն համապատասխանում իրականությանը եւ զուտ քարոզչական բնույթ են կրում: