Հ.Հակոբյանը միջազգային հանրությանը կոչ է արել ճանաչել և դատապարտել հայերի հանդեպ կատարված ոճիրը18 հունիսի 2013 - 20:26 AMT PanARMENIAN.Net - Հունիսի 18-19-ը Միգրացիայի միջազգային կազմակերպության (ՄՄԿ) գլխավոր տնօրեն, դեսպան Ուիլյամ Լեյսի Սվինգի հրավերով ՀՀ սփյուռքի նախարար Հրանուշ Հակոբյանը Ժնևում մասնակցում է «Միգրացիայի շուրջ միջազգային երկխոսության (ՄՄԵ)» շրջանակներում կայացող Սփյուռքի նախարարների համաժողովին: Համաժողովին մասնակցում են Միգրացիայի միջազգային կազմակերպության անդամ և դիտորդ պետությունները, միջկառավարական և հասարակական կազմակերպությունները, ինչպես նաև գիտահետազոտական կազմակերպությունների և զանգվածային լրատվամիջոցների ներկայացուցիչներ: Համաժողովի ընթացքում նախարարները քննարկել են սփյուռքի հետ տարվող քաղաքականությանն ու ծրագրերին վերաբերող հարցեր, ծանոթացան ոլորտում կուտակված դրական փորձին, սփյուռքի և միգրացիայի հարցերով զարգացման ծրագրերի մշակման և իրականացման վերաբերյալ առաջարկություններ ներկայացրել Միգրացիայի միջազգային կազմակերպությանը: ՀՀ սփյուռքի նախարար Հրանուշ Հակոբյանն իր ելույթում անդրադարձել է սփյուռքի և հայրենիքի միջև անխզելի կապի կարևորությանը, ինչպես նաև սփյուռքների՝ հայրենիքի և բնակության երկրի քաղաքական, տնտեսական, մշակութային և այլ ոլորտներում նրանց ներգրավվածության ընդլայնմանը: «Մենք ընդունում ենք, որ Սփյուռքը մեր ժամանակների երևույթ է և որ այն պարզապես ընդհանուր պատմությամբ սփռված մարդկանց կամ համայնքների հավաքականություն չէ: Սփյուռքը մեծ ներուժ ունի տվյալ երկրում ու ամբողջ աշխարհում և, հուսով եմ, որ այս համաժողովը կլինի միջազգային մակարդակով Սփյուռքներին վերաբերող հարցերի լուծման համար սկզբնակետ», - նշել է ՀՀ սփյուռքի նախարարը: Նա կարևորել է ՄԱԿ-ի մակարդակով «Սփյուռք» տերմինը սահմանելու հարցը: Նախարարն առաջարկեց ՄԱԿ-ի կողմից ստեղծել աշխատանքային խումբ՝ ընդգծելով սփյուռքների իրավունքների վերաբերյալ ՄԱԿ-ի կոնվենցիա կամ հայտարարություն ընդունելու անհրաժեշտությունը: Նախարարը խոսել է նաև հայերի հանդեպ 20-րդ դարասկզբին իրականացված Ցեղասպանության, հարյուր տարվա պատմական հիշողության, ինչպես նաև իրավունքների վերականգնման և արդարության հաստատման համար մղվող շարունակական պայքարի մասին՝ կոչ անելով միջազգային հանրությանը ճանաչել և դատապարտել հայերի հանդեպ կատարված ոճիրը, որը նաև ոճիր է մարդկության դեմ՝ ապագայում նման հանցանքներից խուսափելու համար: «Այսօր Սիրիայում քաղաքական անկայունության պատճառով Սիրիայի հայերը ստիպված են թողնել իրենց տները և նորից դառնալ փախստական: Ես կոչ եմ անում ամբողջ միջազգային հանրությանը՝ վերջ դնել ագրեսիային և բռնություններին, ձեռնարկել հակամարտության կարգավորմանը և տարածաշրջանում կայունության հաստատմանն ուղղված անհրաժեշտ միջոցները՝ ապագայում մարդկային ողբերգությունները կանխարգելելու համար», -ասել է ՀՀ սփյուռքի նախարարը: Հունիսի 18-19-ը Ժնևում կայացող Սփյուռքի նախարարների համաժողովը մասնակիցների համար փորձի և նոր գաղափարների փոխանակման եզակի հնարավորություն է՝ խթանելու հետագա համագործակցությունը տարբեր նախարարությունների և պետական մարմինների միջև, ինչպես նաև նպաստելու Միգրացիայի միջազգային կազմակերպության հետագա գործունեության արդյունավետության բարձրացմանը: Ժնևում կայացող համաժողովի արդյունքները հիմք կհանդիսանան 2013թ. հոկտեմբերին Նյու Յորքում նախատեսված Միավորված ազգերի կազմակերպության բարձր մակարդակի երկխոսության նախապատրաստական աշխատանքների համար: Այս մասին հայտնում են նախարարության մամուլի ծառայությունից: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |