Վրաստանը մտադիր է Բակուրիանին առաջադրել որպես ձմեռային ՕԽ անցկացման թեկնածու, հայտնում է ԻՏԱՐ-ՏԱՍՍ-ը: Այդ մասին հայտարարել է Վրաստանի ԱՕԿ գլխավոր քարտուղար Էմզար Զենաիշվիլին Մոսկվա-Թբիլիսի տեսակամրջի ժամանակ, որի թեման էր «Օլիմպիադա՝ միասին դեպի սպորտային հաղթանակներ»:

Երկրի ԱՕԿ ղեկավարը չի ճշտել, թե որ տարվա Օլիմպիադային է մտադիր հավակնել Բակուրիանին: «Այնտեղ գործում է աշխարհի լավագույն լեռնադահուկային հանգստավայրերից մեկը: Մենք մտադիր ենք նաև գործարկել Բորժոմի ողջ շրջանը: Այդ առումով մենք օրինակ ենք վերցնում Սոչիից, քանի որ Օլիմպիական խաղերը կանցեն ոչ թե բուն քաղաքում, այլ հարակից վայրերում՝ Ադլերում և Կրասնայա պոլյանայում»,-ասել է Զենաիշվիլին: