16 օրից Կազանում մեկնարկելու են Համաշխարհային ուսանողական խաղերը: Այնտեղ ելույթ են ունենալու մոտավորապես 40 հայ մարզիկներ, որոնք մրցելու են 10 մարզաձևերում` շախմատ, լող, հունահռոմեական, ազատ ոճերի և գոտիներով ըմբշամարտ, ձյուդո, սամբո, բռնցքամարտ, աթլետիկա և ծանրամարտ:
PanARMENIAN.Net-ի թղթակցի հետ զրույցում Հայաստանի ուսանողական մարզական ֆեդերացիայի փոխնախագահ և գործադիր տնօրեն Ռազմիկ Ստեփանյանն ասել է, որ շախմատի մրցաշարում հանդես են գալու Հայաստանի հավաքականի կազմում աշխարհի չեմպիոն և երիտասարդների աշխարհի չեմպիոն Ռոբերտ Հովհաննիսյանը և պատանիների աշխարհի չեմպիոն Զավեն Անդրիասյանը:
Հիմա երկու գրոսմայստերներն էլ ելույթ են ունենում Կարեն Ասրյանի հուշամրցաշարում, որն ընթանում է Ջերմուկում: Հովհաննիսյանը բոլոր 5 տուրերում հաղթանակներ է տոնել և գլխավորում է մրցաշարային աղյուսակը, իսկ Անդրիասյանն ունի 4 միավոր և կիսում է 1-2-րդ տեղերը:
