Ռուս-հայկական գործարար համագործակցության ասոցիացիայի (ՌՀԳՀԱ) շրջանակներում իր աշխատանքն է սկսել իրավական ծառայությունը, հաղորդում է Ռուսաստանի հայերի «Երկրամաս» թերթը: Իրավական ծառայության աշխատանքը տարվում է հայտնի մոսկվաբնակ փաստաբան Ռուբեն Կիրակոսյանի իրավաբանական խմբի մասնակցությամբ: Գործնական օգնություն կցուցաբերվի ամենատարբեր ուղղություններով, այդ թվում նաեւ Ռուսաստանի Դաշնությունից ապօրինի արտաքսումից եւ վտարումից պաշտպանելու, աշխատանքի իրավունք ստանալու, ինչպես նաեւ միգրացիոն եւ այլ օրենսդրական հարցերին վերաբերվող ոլորտներում: Հիշեցնենք, որ 2004 թվականի հունիսի 24-ին Մոսկվայում տեղի ունեցավ ՌՀԳՀԱ սահմանադիր ժողովը, որի արդյունքում այդ կազմակերպության նախագահ ընտրվեց ՌԴ Դաշնային ժողովի Դաշնության Խորհրդի անդամ Նիկոլայ Ռիժկովը: