Սանկտ Պետերբուրգի ազգային գրադարանում բացվել է «Ես այսօր ամբողջ հոգով Երևանում եմ» խորագրով ցուցահանդես 3 հուլիսի 2013 - 20:11 AMT PanARMENIAN.Net - Երևանի քաղաքապետ Տարոն Մարգարյանը Սանկտ Պետերբուրգում անցկացվող Երևանի օրերի շրջանակում ներկա է գտնվել Սանկտ Պետերբուրգի ազգային գրադարանի «Ես այսօր ամբողջ հոգով Երևանում եմ» խորագրով ցուցահանդեսի հանդիսավոր բացմանը: Այս մասին PanARMENIAN.Net ը տեղեկանում է Երևանի քաղաքապետարանի տեղեկատվության և հասարակայնության հետ կապերի վարչությունից: Ողջունելով Երևանի քաղաքապետին և նրան ուղեկցող պատվիրակության անդամներին՝ գրադարանի տնօրեն Անդրեյ Լիխոմանովը, առանձնահատուկ կարևորելով հայ և ռուս ժողովուրդների դարավոր բարեկամությունը, նշել է, որ ռուսական գրքի ֆոնդում այսօր պահպանվում են հայատառ գրականության բազում հազվագյուտ հրատարակություններ, որոնց մի մասն իսկապես թանկարժեք ցուցանմուշներ են: Դրանց շարքում կան նաև 1630-1800թթ. տպագրված գրքեր, որոնք բացակայում են նույնիսկ Հայաստանի գրադարաններում: Գրադարանի տնօրենը նշել է, որ Ռուսաստանի ազգային գրադարանի հայկական ֆոնդն այսօր ներառում է շուրջ 75 հազար միավոր գիրք: Այնուհետ Երևանի քաղաքապետ Տարոն Մարգարյանը Անդրեյ Լիխոմանովի ուղեկցությամբ շրջել և ծանոթացել է գրադարանի կողմից ցուցադրության ներկայացված հազվագյուտ գրքերի նմուշներին, ապա այցելել գրադարանի հատուկ պահպանվող գրապահոց, որտեղ պատվավոր հյուրերի գրքում կատարել է գրառում: Քաղաքապետն իր գրառման մեջ մասնավորապես նշել է, որ հիացած է ազգային գրադարանում պահպանվող հայկական եզակի ցուցանմուշների նկատմամբ ցուցաբերվող հատուկ վերաբերմունքից ու նաև լի է հպարտության զգացումով, որ նախնիները սերունդներին ժառանգել են այնպիսի արժեքներ, որոնք շարունակում են գնահատված մնալ մինչ օրս: Գրառում կատարելուց հետո քաղաքապետ Տարոն Մարգարյանը Ռուսաստանի ազգային գրադարանին է նվիրել նաև Երևանի մասին լիարժեք պատմող գիրք և հույս հայտնել, որ այն կլրացնի գրադարանի հայկական ֆոնդը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |