Հարությունյան. Մոլդովացի փաստաբանի հակահայկական հայտարարությունը վարձված էր Ադրբեջանի կողմից 4 հուլիսի 2013 - 16:54 AMT PanARMENIAN.Net - Հայաստանի խորհրդարանում համաեվրոպական խորհրդաժողովի ժամանակ մոլդովացի փաստաբանի հակահայկական հայտարարությունները ակնհայտ է, որ վարձված էին Ադրբեջանի կողմից: Այս մասին PanARMENIAN.Net ի թղթակցի հետ զրույցում ասաց ՀՀ ԱԺ պատգամավոր Դավիթ Հարությունյանը: «Մենք բազմիցս այդ բառերը նույնությամբ լսել ենք ադրբեջանական կողմից: Զարմանալու որևէ բան չկա, քանի որ ադրբեջանցիները միշտ էլ նման քայլերի դիմում են, և տարբեր միջազային կոնֆերանսների ժամանակ նման վարձու ելույթներ են հնչում: Մենք մեզ շատ լավ պահեցինք: Հիմա մարդ էր, թող արտահայտվեր: Համարժեք արձագանքներ եղան: Ես կարծում, որ որևէ մեկը չէր սպասում, որ ես պետք է ընդհատեմ նրան: Մենք քաղաքակիրթ ձևով լսեցինք նրա ելույթը և պատասխանեցինք»,- ասաց Դավիթ Հարությունյանը, ով փաստաբանի հայտարարության ժամանակ նախագահում էր խորհրդաժողովի նիստը: Նա ընդգծեց, որ որևէ սարսափելի բան չի եղել: Դավիթ Հարությունյանը նշեց, որ խորհրդաժողովի թեման այնպիսին էր, որ նման շեղում չէր սպասվում: Ինչ վերաբերում է, մոլդովացի փաստաբանի ելույթից հետո հնչած ծափահարություններին, ԱԺ պատգամավորը նկատեց, որ ընդամենը 4 հոգի է ծափահարել և չբացառեց, որ նրանք էլ թյուրիմացաբար են դա արել: Ինչպես ավելի վաղ հայտնել էինք, այսօր «Իրավունքի գերակայության եվրոպական չափորոշիչները և իշխանությունների հայեցողության սահմանները Եվրոպայի խորհրդի անդամ երկրներում» թեմայով համաեվրոպական խորհրդաժողովին Մոլդովայի խորհրդարանական փաստաբան Աուրելիա Գրիգորիուն Հայաստանի խորհրդարանում Հայաստանին անվանեց «ագրեսոր երկիր»։ «Մարդու իրավունքների պահպանումը և պաշտպանությունը «սառեցված հակամարտությունների» տարածքում» թեմայով զեկույցի ժամանակ նա անդրադարձավ հայ-ադրբեջանական հակամարտությանը և հանդես եկավ հակահայկական ելույթով, որը ադրբեջանական ստահոտ քարոզչություն էր հիշեցնում: «Հայաստանը գրավել է Ադրբեջանի տարածքների 20 տոկոսը՝ ադրբեջանցիների նկատմամբ իրականացնելով ցեղասպանություն»,- հայտարարեց նա ու հավելեց,- «Խոջալուի ցեղասպանությունն իրականացրել են հայերը, ինչն այլևս միջազգայնորեն ճանաչված փաստ է»։ Փաստաբանի ելույթից հետո համաեվրոպական խորհրդաժողովի մասնակիցների մի մասը ծափահարեցին։ Նրա հայատարարությանն արձագանքեցին ՀՀ ԱԺ փոխնախագահն ու Լիտվայի ՄԻՊ-ը: Հերմինե Նաղդալյանը հորդորեց չօգտագործել խորհրդաժողովը և Հայաստանի խորհրդարանի ամբիոնը սուտ տեղեկատվություն տարածելու համար. «Անընդունելի է, որ որոշ փաստաբաններ այս դահլիճում պատվերներ են իրականացնում»: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Կիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համար Թաթոյան․ Հոգևորականները մարդկանց հետ են, քանի որ դա է բխում հոգևորականի էությունից Բագրատ Սրբազանն ասել է, որ սա ստի և ճշմարտության պայքար է, և ճշմարտությունը պետք է հաղթի ՆԳՆ հերքել է Կիրանցում լուսաձայնային նռնակ կիրառելու լուրը. Տուժածներ կան Վնասվածքներով ԲԿ է տեղափոխվել 5 քաղաքացի և 2 ոստիկան, վնասվածքները թեթև են ՊՆ․ ԶՈւ-ին քաղգործընթացների մեջ ներքաշելու փորձերը համարժեք իրավական գնահատական կստանան ՊՆ–ն միջոցներ է ձեռնարկում զինվորական համազգեստով անձանց ինքնությունը պարզելու ուղղությամբ |