Թուրքիան պատրաստվում է հայերին վերադարձնել չճանաչված Հյուսիսային Կիպրոս Թուրքական Հանրապետության տարածքում գտնվող V դարում հիմնադրվածՄակարավանքը: Կիպրոսի պատմական արժեքների եւ թանգարանների վարչությունը 1997թ. վանքը վարձակալության է հանձնել 49 տարի ժամկետով թուրք գործարար Դերվիշ Ուլուզ Սյոլմեզլերին, որը հայտարարել է.«Վարչությունը չեղյալ է հայտարարել վարձակալության մասին համաձայնագիրը: Կարծում եմ, որ Մակարավանքը եւս այն հուշարձանների շարքում է , որոնք պետք է վերադարձվեն Հարավային Կիպրոսին: Ես, իհարկե, դիմեցի դատարան: Սակայն նույնիսկ եթե հաղթեմ, դժվար այն ինձ վերադարձնեն: Հյուսիսային Կիպրոսի թուրքական կառավարությունը որոշել է վանքը վերադարձնել պատմական տերերին` հայերին», հայտնում է հայկական «Ակոս» թերթը: