Այս տարի հայկական ծիրանն արտահանվել է Ռուսաստանից մինչև Զիմբաբվե13 հուլիսի 2013 - 12:33 AMT PanARMENIAN.Net - Այս տարի Հայաստանից արտահանվել է արդեն 32 հազար տոննա պտուղ-բանջարեղեն, այն դեպքում, երբ ողջ 2012-ին այդ թիվը եղել է 31 հազար: Այս մասին լրագրողների հետ հանդիպման ժամանակ ասաց ՀՀ գյուղատնտեսության փոխնախարար Ռոբերտ Մակարյանը: «Նշեմ, որ այս տարի մեր երկրից արտահանվել է 18.200 տոննա, իսկ մթերվել է 10.108 տոննա ծիրան: Մթերման աշխատանքները դեռ չեն ավարտվել, քանի որ բերքահավաքը շարունակվում է Արմավիրի և Արագածոտնի մարզերում»,- ասաց փոխնախարարը: Ըստ Մակարյանի, 15 ընկերություններ գնում են գյուղացիների բերքը 40-50 դրամով: Սա կարկտահարված բերքի գինն է. «Իսկ ծիրանի արտահանման մինիմալ գինը կազմում է 200-250 դրամ, հաճախ այդ գինը հասնում է նաև 600-700 դրամի»: Այս տարի ծիրան այլևս չի ընդունի միայն «Նոյյան» ընկերությունը, քանի որ այն արդեն շուրջ 3500 տոննա գնել է ու այլևս բերքը պահելու հնարավորություն չունի: Սակայն գյուղացիները կարող են իրենց բերքը մթերել մյուս ընկերություններին: Նա նաև նշեց, որ գյուղացիների վճարումները կատարվում են տեղում բանկային չեկերի միջոցով: Կան նաև կազմակերպություններ, որոնք պայմանագիր են կնքում և գումարը վճարում են մի քանի օրից: «Այս տարվա ծիրանի արտահանումը եղել է Ռուսաստան (26.800 տոննա), Վրաստան (3800 տոննա): Շատ քիչ քանակությամբ արտահանում ունեցել ենք նաև դեպի Նիդերլանդներ, Նորվեգիա ու Զիմբաբվե»,- հավելեց Մակարյանը: Փոխնախարարն անդրադարձավ նաև այն տեղեկություններին, թե Վրաստանի հետ սահմանակետում ծիրան արտահանելու համար գումար է պահանջվում. «Նման բան չկա: Վրաստան արտահանվում է ծիրան և ոչ- ոք չի խոչընդոտում այդ գործընթացին»: Նա նաև ընդգծեց, որ իրենք պատրաստվում են արդեն դեղձի մթերմանը, իսկ հանրապետությունում սպասվում է նաև դեղձի առատ բերք: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |