ԼՂՀ նախագահ Բակո Սահակյանն այսօր ընդունել է բարոնուհի Քերոլայն Քոքսին :
Հանդիպման ընթացքում արծարծվել են Արցախի ներքին ու արտաքին քաղաքականությանը և տարածաշրջանում ընթացող գործընթացներին առնչվող մի շարք հարցեր:
Բակո Սահակյանը երախտագիտություն է հայտնել բարոնուհուն Արցախին մշտապես սատարելու համար` նշելով, որ նրա կողմից ցուցաբերվող աջակցությունը կարևոր է քաղաքական, սոցիալ-տնտեսական և բարոյական տեսանկյուններից:
Հանդիպմանը մասնակցում էին Արցախի Հանրապետության արտգործնախարար Կարեն Միրզոյանը, պաշտոնատար այլ անձինք, հայտնում են ԼՂՀ նախագահի աշխատակազմի հասարակայնության հետ կապերի և լրատվության վարչությունից: