Սլովակիայում նշել են սումգայիթյան ջարդերի 18-րդ տարելիցը
Փետրվարի 28-ին Բրատիսլավայի հայ համայնքի ներկայացուցիչները հավաքվել էին քաղաքի կենտրոնում` Դանուբի աջ ափին տեղադրված խաչքարի մոտ` նշելու Սումգայիթի հայկական ջարդերի 18-րդ տարելիցը: Սլովակիայի հայ համայնքի եւ «Համահայկական կազմակերպությունների ներկայացուցչության» նախագահ Աշոտ Գրիգորյանը նշել է, որ ամեն տարի այս օրերին սլովակյան մամուլն անդրադառնում է սումգայիթյան ջարդերին, իսկ Հայաստանի «Նիգ-Ապարան» հայրենակցական միության նվեր խաչքարը տեղադրվելուց հետո հնարավորություն է ստեղծվել տարելիցը նշել հուշակոթողի մոտ: Աշոտ Գրիգորյանը նաեւ հայտարարեց, որ «Համահայկական կազմակերպությունների ներկայացուցչությունը» իր վրդովմունքն է հայտնում Ադրբեջանում ծավալված հակահայկական հիստերիայի կապակցությամբ:
Սփյուռքի հայկական կազմակերպությունները խստորեն դատապարտում են Հայաստանի եւ հայության նկատմամբ ադրբեջանցիների ոտնձգությունները եւ հայտարարում, որ աշխարհի ամբողջ հայությունն ակնդետ հետեւում է գործընթացին եւ պատրաստ է այդ գործընթացի վրա ազդել` գործադրելով իր հսկայական հնարավորությունները: Նա ընդգծեց, որ աշխարհի ամբողջ հայությունը պատրաստ է մեկ մարդու պես պաշտպանել Մայր Հայաստանն ու Արցախը եւ մեկ անգամ եւս ապացուցել աշխարհում մոտ 10 միլիոնի հասնող հայության ներուժի հզորությունը, հայտնում է «Երկիր» թերթը:
Սփյուռքի հայկական կազմակերպությունները խստորեն դատապարտում են Հայաստանի եւ հայության նկատմամբ ադրբեջանցիների ոտնձգությունները եւ հայտարարում, որ աշխարհի ամբողջ հայությունն ակնդետ հետեւում է գործընթացին եւ պատրաստ է այդ գործընթացի վրա ազդել` գործադրելով իր հսկայական հնարավորությունները: Նա ընդգծեց, որ աշխարհի ամբողջ հայությունը պատրաստ է մեկ մարդու պես պաշտպանել Մայր Հայաստանն ու Արցախը եւ մեկ անգամ եւս ապացուցել աշխարհում մոտ 10 միլիոնի հասնող հայության ներուժի հզորությունը, հայտնում է «Երկիր» թերթը:
