Ընդդեմ ուղեվարձի թանկացման. Այսօր «Նախազգուշացման ակցիա» է անցկացվելու
Այսօր՝11:00-ին, Երևանի քաղաքապետարանի մոտ կկայանա տրանսպորտի գնի բարձրացման հետ կապված «Նախազգուշացման ակցիա»:
«Մենք չենք գնում բողոքելու, խնդրելու կամ նույնիսկ պահանջելու, մենք գնում ենք նախազգուշացնելու, որ չենք ենթարկվելու կայացված անհիմն որոշմանը` լայնամաշտաբ կազմակերպման, ինքնակազմակերպման արդյունքում հասնելով նրան, որ բնակչության մեծ մասը վճարի նախկին սակագներով»,- գրել են ակցիայի կազմակերպիչները:
Ակցիայի կազմակերպիչները նաև տեղեկացնում են, որ ապատեղեկատվություն է տարածվել, որ ակցիան կառավարության դիմաց է լինելու, մինչդեռ իրենք նախապես հայտնել են, որ հավաքվում են քաղաքապետարանի մոտ: Հիշեցնենք, որ վաղվանից քաղաքացիները երթուղային տաքսիներով երթևեկելու համար պետք է վճարեն 150 դրամ՝ նախկին 100 դրամի փոխարեն:
