Քաղաքապետարանի մոտ շարունակվում է ուղեվարձի թանկացման դեմ ակցիան: Ակցիայի մասնակիցները քաղաքապետարանի աշխատակիցների մեքենաների վրա փակցնում են թռուցիկներ՝ կոչ անելով 100 դրամ վճարել և բոյկոտել թանկացումը:
Նրանք պահանջում են, որ Տարոն Մարգարյանը իջնի և հանդիպի իրենց: Բացի այդ ակտիվիստները հայտնեցին, որ քանի դեռ ազատ չեն արձակվել բերման ենթարկված 3 ակտիվիստները, իրենք քաղաքապետարանի դիմացից չեն հեռանալու:
Ակտիվիստներից մեկը, միջադեպերից խուսափելու համար նաև հայտարարեց, որ ոստիկանները իրենց թշնամիները չեն, նրանք պարզապես իրենց աշխատանքն են կատարում: