«Վճարում ենք 100 դրամ» քաղ.նախաձեռնությունը ներկայացնում է իր պահանջները24 հուլիսի 2013 - 13:32 AMT PanARMENIAN.Net - «Վճարում ենք 100 դրամ» քաղաքացիական նախաձեռնության անդամները պահանջում են, որ իրավապահները հետամուտ լինեն անօրինականություններին, բախումներին ու կեղծիքների բացահայտմանը: Այս մասին այսօր Մաշտոցի պուրակում լրագրողների հետ հանդիպմանն ասաց նախաճեռնության անդամ Ռուզաննա Գրիգորյանը՝ հավելելով, որ քաղաքապետարանն էլ պետք է վերահսկի հանրային տրանսպորտը սպասարկող մասնավոր ընկերություններին: Ըստ ակտիվիստների՝ ուղեվարձի թանկացման որոշմամբ քաղաքապետարանը «խախտում է ՀՀ Սահմանադրության առաջին հոդվածը, համաձայն որի Հայաստանը սոցիալական պետություն է, իսկ որոշումը նպաստում է սոցիալական անարդարության խորացմանը»: Ըստ նախաձեռնության անդամներին, քաղաքապետարանը գերադասել է մասնավոր շահը՝ հանրայինից, իսկ 150 դրամ վճարելու մասին որոշումը ուժի մեջ չի մտել և ապօրինի է կիրառվել: Ռուզաննա Գրիգորյանը նշեց նաև, որ քաղաքապետարանը պաշտպանում է բոլորին հայտնի գծատերերի շահերը, որոնք են՝ Հենրիկ Նավասարդյանը, Տարոն Մարգարյանը, Ռուբեն Հայրապետյանն ու Սամվել Ալեքսանյանը: Իսկ ակտիվիստներից Գոռ Հակոբյանն իր հերթին հավելեց, որ իրենք իրենց սահմանադրական իրավունքն են իրացնում՝ առաջնորդվելով խաղաղ ու ոչ բռնի պայքարի սկզբունքներով: Քաղաքացիները նաև հրապարակեցին իրենց պահանջները, համաձայն որոնց անհրաժեշտ է ապասեփականաշնորհել հանրային ուղևորափոխադրումների համակարգն ու այն համայնքին վերադարձնել: Նրանց պահանջներից են նաև. - Հրապարակել հանրային ուղևորափոխադրումներ իրականացնող ընկերությունների ցուցակը, վերջին հինգ տարիների համար ներկայացնել կատարված ծախսերը, եկամուտները, ֆինանսական հոսքերը, վճարված հարկերը: Ներկայացնել ոլորտը մասնավորեցնելուն հաջորդող ընթացիկ և երկարաժամկետ արդյունավետության գնահատման արդյունքները: - Պահանջում ենք, որ այսուհետ քաղաքապետարանը նման որոշումներ ընդունելուց առաջ ապահովի հանրության և բոլոր շահագրգիռ կողմերի իրական և արդյունավետ մասնակցությունը որոշումների ընդունման գործընթացում: - Ներկայացնել 5 տարիների ծախսերը, եկամուտները, ֆինանսական հոսքերն ու վճարված հարկերը: Ուշագրավ Մյուսների կյանքին վտանգ չի սպառնում Վիրահատված պացիենտի վիճակը բավարար է գնահատվում
Խորհուրդը կոչ է արել ՀՀ իշխանություններին զերծ մնալ բռնությունից, ատելություն և թշնամանք սերմանելու դրսևորումներից «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Ամենաընթերցվողը բաժնում | Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար Փրկարարները տարհանել են Արագած լեռան վրա մոլորված 13 իրանցու Ահազանգ է ստացվել, որ քաղաքացիները բարձրացել են Արագած լեռը և կապի դուրս չեն գալիս Փաշինյանը՝ Սունակին․ ՀՀ-ն ուզում է խորացնել գործակցությունը Մեծ Բրիտանիայի հետ Նա կարևորել է ՄԹ աջակցությունը Հայաստանում ընթացող լայնածավալ ժողովրդավարական բարեփոխումներին Խուզարկվում է gg տաքսի ծառայության գրասենյակը ՔԿ–ի –ց ասել են, որ քրեական վարույթ կա նախաձեռնված |