Մարտի 15-17 Բաքու կայցելի Հարավային Կովկասում Եվրամիության նոր հատուկ ներկայացուցիչ Պիտեր Սեմնեբին: Այդ մասին հայտարարել է Բելգիայում Ադրբեջանի դեսպան Արիֆ Մամեդովը: Նրա խոսքերով, այցի ընթացքում ԵՄ հատուկ ներկայացուցիչը կունենա ծանուցողական հանդիպումներ Ադրբեջանի տարբեր նախարարություններում եւ գերատեսչություններում: Հանադիպումների ընթացքում կքքնարկվեն Ադրբեջանի եւ ԵՄ հետագա համագործակցությունը, ԵՄ նախաձեռնությունը Նոր հարեւանության քաղաքականության շրջանականերում: Հիշեցնենք, որ Պիտեր Սեմնեբին այդ պաշտոնում փոխարինել է Հեյքե Տալվիտիեին, հայտնում է «Թրենդ» գործակալությունը: