Համաշխարհային բանկը Հայաստանին շնորհել է «1993-2002թթ. ժամանակա֊հատ֊վածում երկրի (Հայաստանի) ծրագրերի լավագույն պրակտիկայի մրցանակը»: Ինչպես հայտնել են PanARMENIAN-Net-ին Ֆինանսների եւ էկոնոմիկայի նախարարությունում, այսպիսի մրցանակ առաջին անգամ է Բանկի կողմից որեւէ երկրին տրվում: Այս մրցանակը հավաստում է ծրագրերի նախապատրաստման, իրականացման, մոնիտորինգի ու գնահատման գծով առկա գոհացուցիչ ցուցանիշների մասին, որոնք նպաստել են զարգացման դրական արդյունքների ապահովմանը:Հայաստանում Համաշխարհային բանկի գործունեությունն սկսվելուց ի վեր Տնօրենների խորհրդի կողմից հաստատվել է 41 ծրագիր` ընդհանուր 920.9 միլիոն ԱՄՆ դոլար գումարով, որից 749 միլիոն ԱՄՆ դոլարին համարժեք գումար արդեն իսկ ծախսվել է: Ներկայիս գործող ծրագրերի փաթեթը ներառում է 17 ծրագիր` ընդհանուր 280.4 միլիոն ԱՄՆ դոլար գումարով, որից 172.1 միլիոն ԱՄՆ դոլարն առայժմ չի ծախսվել: