ԱՍԱԼԱ-ի զոհված մարտիկների հիշատակի օրն է 7 օգոստոսի 2013 - 11:04 AMT PanARMENIAN.Net - Այսօր ԱՍԱԼԱ-ի (Հայաստանի ազատագրության հայ գաղտնի բանակ` Armenian Secret Army for the Liberation of Armenia) զոհված մարտիկների հիշատակի օրն է: 1982թ.-ի այս օրը իրականացվեց «Կարին» գործողությունը, որը կարևորագույններից էր և առաջինն էր, որն իրականացվում էր հենց Թուրքիայի տարածքում: ԱՍԱԼԱ-ի «Խրիմյան Հայրիկ անձնասպանական ջոկատը» իր վերահսկողության տակ վերցրեց Անկարայի «Էսեմբողա» օդանավակայանը... 1973 թ. հունվարի 27-ին ԱՄՆ Սանտա Բարբարա քաղաքի Բալթիմոր հյուրանոցի ռեստորանում մի հայ մարդկանց աչքի առաջ գնդակահարեց թուրք հյուպատոս Մեհմեդ Բայդարին և փոխհյուպատոս Բահադր Դեմիրին: Այդ տարեց մարդը Հայոց ցեղասպանությունը վերապրած և ընտանիքը կոտորածի ժամանակ կորցրած Գուրգեն Յանիկյանն էր: Նա համարվում է ԱՍԱԼԱ-ի հոգևոր հիմնադիրը. «Ես պայքարի նոր ձև եմ հորինել: Ես գնում եմ առջևից, դուք հետևեք ինձ: Հասել է երկարատև քնից արթնանալու և թուրքերի հետ իրենց իսկ լեզվով խոսելու ժամանակը: Ոչ մի պետություն չպետք է հարաբերություններ ունենա թուրքական կառավարության հետ, և Թուրքիայի կառավարության անդամները պիտի ոչնչացվեն»: Գուրգեն Յանիկյանի օրինակը մեծ ոգևորություն բարձրացրեց, շատ չանցած տարբեր քաղաքներում նոր գործողություններ իրականացվեցին: ԱՍԱԼԱ-ի հիմնադրման կոնկրետ ամսաթիվ չի նշվում: ԱՍԱԼԱ-ի հիմնադիր է համարվում լիբանանահայ Հակոբ Հակոբյանը: ԱՍԱԼԱ-ն առաջին անգամ պաշտոնապես հանդես եկավ 1979 թ. օգոստոսին, երբ ստանձնեց Ֆրանկֆուրտում թուրքական ավիաուղիների գրասենյակի պայթյունի պատասխանատվությունը: ԱՍԱԼԱ-ի ամենահայտնի գործողություններից են 1981 թ. սեպտեմբերին Փարիզում Թուրքիայի դեսպանատան գրավումը, Անկարայի օդանավակայանի գրավումը, Ստամբուլի շուկայի պայթյունը, 1984 թ. Թեհրանի թուրքական հաստատությունների պայթյունները, Ֆրանսիայի Օրլի օդանավակայանի պայթեցումը և այլն: 10 տարվա ընթացքում ԱՍԱԼԱ-ի մարտիկները սպանեցին 70 թուրքի, որոնցից 34-ը դիվանագետներ էին, մյուսները` պաշտոնյաներ և նրանց ընտանիքի անդամները: Եղան մի շարք ձերբակալություններ և դատավարությունները: ԱՍԱԼԱ-ի մարտիկները ճշմարտության ձայնը բարձրացնում էին նաև դատավարությունների ժամանակ: ԱՍԱԼԱ-ն հայրենիքի և վրեժխնդրության համար իրենց զոհաբերած մարտիկների բանակ է: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վարչապետ․ Սահմանազատված հատվածներում ապահովված է անվտանգության հնարավոր ամենաբարձր երաշխիքը Նա ընդգծել է, որ ժամանակակից աշխարհում չկա անվտանգության ավելի գործուն երաշխիք «ՍոֆթԿոնստրակտ»-ը ՀՀ 11-րդ խոշոր հարկատուն է 2024-ի առաջին եռամսյակում «ՍոֆթԿոնստրակտի» կողմից վճարված հարկերի ծավալը գերազանցել է 3․6 մլրդ դրամը Փաշինյանը՝ Բագրատ սրբազանի հետ հանդիպման մասին․ Ինձ հետ հանդիպելու ընթացակարգեր կան Նա ասել է, որ բաց է հանդիպումների համար OVIO-ն պաշտոնապես գործարկել է ՀՀ-ում խոշորագույն և ամենահզոր Տվյալների մշակման կենտրոնը Ամպային ծառայությունները ընկերության առաջարկների շարքում առանցքային տեղ կզբաղեցնեն |