ՀՔԾ. Փաստաբանին ամբաստանելու և սուտ մատնության փաստով քրգործ է հարուցվել 8 օգոստոսի 2013 - 18:23 AMT PanARMENIAN.Net - Հուլիսի 25-ին ՀՀ հատուկ քննչական ծառայությունում ստացվել է ՀՀ Լոռու մարզի դատախազությունից քաղաքացիների ընդունելության վերաբերյալ կազմված արձանագրությունը՝ համաձայն որի հուլիսի 22-ին Լոռու մարզի դատախազությունում ընդունելության ժամանակ Լոռու մարզի քննչական բաժնում քննվող քրեական գործով կալանավորված մեղադրյալ` «Ինեկոբանկ» ՓԲ ընկերության Վանաձոր մասնաճյուղի ոսկերիչ-փորձագետ Կամո Աֆիցերյանի կինը՝ Լիանա Խառատյանը, և վերջինիս հայր Վլադիմիր Խառատյանը հայտարարել են, որ Կամո Աֆիցերյանին առաջադրված մեղադրանքը նույնը թողնելու և չխստացնելու պատրվակով «քննչականին տեսնելու» համար պաշտպան Կարեն Թումանյանն իրենցից պահանջել և ստացել է 3000 ԱՄՆ դոլար: Միաժամանակ հայտնել են, որ Կամո Աֆիցերյանին գրավով ազատ արձակելու պատրվակով «դատավորներին տեսնելու» համար պաշտպան Կարեն Թումանյանն իրենցից պահանջել է 2000 ԱՄՆ դոլար, սակայն պահանջած գումարը պաշտպանին չի տրամադրվել: Լիանա և Վլադիմիր Խառատյանների կողմից նշված հաղորդումներն ստուգելու նպատակով ՀՀ հատուկ քննչական ծառայությունում նախապատրաստված նյութերով պարզվել է, որ Լիանա և Վլադիմիր Խառատյանները, գիտակցելով իրենց տրամադրած տեղեկատվության կեղծ լինելու հանգամանքը, 2013թ-ի հուլիսի 22-ին՝ Լոռու մարզի դատախազությունում ընդունելության ժամանակ դիտավորությամբ հայտնել են իրականությանը չհամապատասխանող, կեղծ տեղեկություններ՝ Կամո Աֆիցերյանի պաշտպան՝ ՀՀ փաստաբանների պալատի փաստաբան Կարեն Թումանյանի կողմից կաշառքի միջնորդություն կատարելու վերաբերյալ: ՀՀ հատուկ քննչական ծառայությունում 2013 թվականի օգոստոսի 7-ին որոշում է կայացվել ՀՀ փաստաբանների պալատի փաստաբան Կ.Թումանյանի, Լոռու մարզի քննչական բաժնում քննվող քրեական գործով վարույթի հետ առնչություն ունեցող պաշտոնատար անձանց վերաբերյալ քրեական հետապնդում չիրականացնելու մասին՝ հանցագործության դեպքի բացակայության պատճառաբանությամբ: Լիանա և Վլադիմիր Խառատյանների կողմից սուտ մատնություն կատարելու փաստով 2013 թվականի օգոստոսի 7-ին ՀՀ ՔՕ 333-րդ հոդվածի 1-ին մասով հարուցվել է քրեական գործ, որն ուղարկվել է ՀՀ գլխավոր դատախազություն՝ քրեական գործն ըստ քննչական ենթակայության հանձնելու միջնորդությամբ: Այս մասին PanARMENIAN.Net ը տեղեկանում Է ՀՔԾ մամուլի ծառայությունից: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |