Գերմանիայի ԱԳ նախարար Գիդո Վեստերվելլեն կիրակի օրը մեկնում է Մերձավոր Արևելք, որտեղ բանակցելու է Իսրայելի ու Պաղեստինի ղեկավարության հետ, հայտնում է «ՌԻԱ Նովոստին»՝ Գերմանիայի ԱԳՆ ներկայացուցչի վրա հղումով:

Իսրայելցիների և պաղեստինցիների ուղիղ խաղաղ բանակցությունները վերսկսվել են հուլիսի վերջում Վաշինգտոնում եռամյա դադարից հետո: ԱՄՆ պետքարտուղար Ջոն Քերին հայտարարել է, որ կողմերը նպատակ ունեն կարգավորելու հակամարտությունը 9 ամսում:

«Կիրակի օրը Վեստերվելլեն Երուսաղեմում կբանակցի նախագահ Պերեսի ու արդարադատության նախարար Լիվնիի հետ: Երկուշաբթի նա կհանդիպի Երուսաղեմում վարչապետ Նեթանյահուի, իսկ Ռամալլահում՝ Աբբասի ու Պաղեստինի ազգային ինքնավարության ժամանակավոր կաբինետի ղեկավար Համդալլայի հետ»,-ասել է ԳԴՀ ԱԳՆ ներկայացուցիչը: