Բուդապեշտում շարունակվում է սուսերամարտի աշխարհի առաջնությունը: Ռուսաստանի կանանց հավաքականը Եկատերինա Դյաչենկոյի, Յանա Եգորյանի, Դինա Գալիակբարովայի, Յուլիա Գավրիլովայի մասնակցությամբ դուրս է եկել թրասուսերակիրների մրցաշարի կիսաեզրափակիչ: Համառ պայքարում Ռուսաստանը 45:44 հաշվով հաղթել է Հարավային Կորեայի թիմին:

2010-2012 թ. Եգորյանը զգալի հաջողությունների է հասել պատանիների տարիքային խմբում: Սինգապուրի պատանեկան Օլիմպիական խաղերում նա թիմային և անհատական պայքարում և Մոսկվայում կայացած աշխարհի առաջնությունում նվաճել է ոսկե մեդալ:

2012 թվականին Եգորյանը նվաճել է Ռուսաստանի մեծահասակների չեմպիոնի կոչումը և հրավիրվել երկրի ազգային հավաքական: 2013-ին նա ոսկե մեդալ է նվաճել Եվրոպայի առաջնությունում, իսկ Կազանի Ունիվերսիադայում` բրոնզե մեդալ: