Արգենտինայի հավաքականի ավագ Մարտին Խայտեն ուրախ է, որ Դավիթ Նալբանդյանը սկսել է մարզումները:
«Նա շատ լավ թենիսիստ է և հատուկ տեղ ունի մեր հավաքականի կազմում: Մենք չգիտենք, Դավիթը կկարողանա՞ հանդես գալ Դևիսի Գավաթի կիսաեզրափակչում, քանի որ նա չի մարզվել ավելի քան 4 ամիս»,- ասել է Խայտեն:
Դավիթ Նալբանդյանը վիրահատությունից հետո արդեն վերադարձել է կորտ և սկսել մարզումները: Թենիսիստի խոսքով, ինքն աստիճանաբար փորձում է ձեռք բերել լավ մարզավիճակ: Այս տարի մայիսին Նալբանդյանը ենթարկվել էր ձեռքի և ուսի վիրահատության:
Դևիսի Գավաթի կիսաեզրափակիչ Չեխիա- Արգենտինա հանդիպումը կկայանա սեպտեմբերի 13-15-ը Պրահայում: