Եգիպտոսի իշխանությունները գտնում են, որ ԱՄՆ նախագահ Բարաք Օբամայի հայտարարությունները երկրում ստեղծված իրավիճակի մասին, հիմնված չեն փաստերի վրա և խրախուսում են զինյալ ծայրահեղականներին բռնության հետագա էսկալացիայի, հայտնում է «Ռոյթերս» գործակալությունը:
Օբաման արդեն հայտարարել է, որ ԱՄՆ վճռականորեն դատապարտում է արտակարգ իրավիճակի սահմանումը Եգիպտոսում և պահանջում է չեղյալ հայտարարել այն: Եգիպտոսի նախագահ Ադլի Մանսուրի վարչակազմի հայտարարության մեջ ասվում է, որ երկիրը, որտեղ հարձակման են ենթարկվում քրիստոնեական եկեղեցիներն ու կառավարական շենքերը, պայքարում է ահաբեկչության դեմ: