Գագիկ Մակարյան. Վերաֆինանսավորման տոկոսադրույքի բարձրացումը ԿԲ արձագանքն է գնաճին16 օգոստոսի 2013 - 15:44 AMT PanARMENIAN.Net - Վերաֆինանսավորման տոկոսադրույքի բարձրացումը Կենտրոնական բանկի կողմից ավելի շուտ ազդակ է, քան գնաճի զգալի զսպում: Օգոստոսի 16-ին Երևանում կայացած մամլո ասուլիսում հայտարարել է Հայաստանի գործատուների հանրապետական միության նախագահ Գագիկ Մակարյանը՝ մեկնաբանելով գլխավոր կարգավորողի կողմից վերաֆինանսավորման բարձրացումը: «Վերաֆինանսավորման բարձրացումը էական ազդեցություն չի ունենա վարկային դրույքների վրա, քանի որ առևտրային բանկերը բավարար միջոցներ ունեն»,-ասել է նա: Օգոստոսի 13-ին ԿԲ-ն որոշում կայացրեց վերաֆինանսավորման տոկոսադրույքը սահմանել 8.5%՝ պայմանավորված առավելապես էներգակիրների սակագների բարձրացմամբ: ԿԲ որոշումը միտված է ներքին զարգացումների հետևանքով ձևավորված գնաճային սպասումները խարսխելուն և էներգակիրների սակագների աճի երկրորդային ազդեցությունները մեղմելուն: Բացի այդ, Խորհուրդը նաև կարևորում է դրական իրական տոկոսադրույքների պահպանումը: ԿԲ քաղաքականության արդյունքում ակնկալվում է, որ գնաճը մոտակա ամիսներին աստիճանաբար կնվազի: Այդ համատեքստում Գագիկ Մակարյանը հավելել է, որ բարձր գնաճի պայմաններում մթերքների սպառումը նվազում է, ինչն անխուսափելի է 35% աղքատություն ունեցող երկրի համար: Բացի այդ, արդյունքում կնվազի բիզնեսի արտադրողականությունը: Ըստ մասնագետի, անհրաժեշտ են «իրական» քայլեր պետության կողմից՝ ուղղված տնտեսության առողջացմանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |