Ղարաբաղյան հակամարտության կարգավորումը զգալի առաջընթաց կլինի Եվրասիական տարածաշրջանում խաղաղության, կայունության ու բարգավաճման ապահովման առումով: Այդ մասին ասվում է ադրբեջանական Գաբալայում տեղի ունեցած Թուրքալեզու պետությունների համագործակցության խորհրդի գագաթաժողովի ընդունած համատեղ հռչակագրում:
Գագաթաժողովի աշխատանքին մասնակցել են Ադրբեջանի, Թուրքիայի և Ղազախստանի նախագահները:
Համատեղ հռչակագրում կողմերը կարևորել են հակամարտության խաղաղ կարգավորումը, որն, ըստ հեղինակների, հիմնական խոչընդոտներից մեկն է կայունության ու տարածաշրջանային համագործակցության համար, Ադրբեջանի ինքնիշխանության, տարածքային ամբողջականության ու սահմանների անխախտելիության հիման վրա: