Այսպես կոչված Թուրքալեզու պետությունների համագործակցության գագաթաժողովները ծառայում են պանթուրքիզմի տարածմանը, գրում է իրանական Fars գործակալությունը:
«Թուրքմենստանն ու Ուզբեկստանը, դեմ լինելով նման համաժողովներում «թուրքական լծակի» օգտագործմանը, չեն մասնակցում նման խորհրդաժողովների, անարդյունավետ համարելով դրանք: Այսպես կոչված թուրքալեզու պետությունների՝ Ադրբեջանի, Ղազախստանի և Ղրղզստանի, ղեկավարները նման հավաքների գալիս են թարգմանիչների հետ»,- գրում է Fars գործակալությունը:
Ըստ իրանական կայքի, ԽՍՀՄ փլուզումից հետո Թուրքիան տարբեր միջոցների է դիմում նպատակ ունենալով տարածել իր քաղաքական ու տնտեսական ազդեցությունը Հարավային Կովկասում, այդ թվում նաև այս գագաթաժողովը: «1992թ. ի վեր Թուրքիայի նախաձեռնությամբ անց են կացվում այսպես կոչված թուրքալեզու պետությունների համաժողովներ, որոնց նպատակն է պանթուրքիզմի տարածումը»,-նշում է Fars-ը:
