ԵԱ-2014-ի որակավորման առաջին խաղում Հայաստանի Մ-19 տ. հավաքականը կմրցի Ռումինիայի հետ
Հայաստանի մինչև 19 տարեկանների ֆուտբոլի հավաքականն ընդգրկվել է 2014 թ. Եվրոպայի մինչև 19 տարեկանների առաջնության որակավորման փուլի 2-րդ խմբում:
Հայ ֆուտբոլիստների մրցակիցներն են Ռումինիայի, Լեհաստանի և Լիտվայի հավաքականները, իսկ մրցաշարը տեղի կունենա Լեհաստանում:
Արդեն հայտնի են մրցաշարի անցկացման ստույգ ժամկետները և այն քաղաքները, որտեղ տեղի կունենան խաղերը: Հայաստանի հավաքականն առաջին հանդիպումը կանցկացնի հոկտեմբերի 10-ին Ինովրոցլավ քաղաքում և կմրցի Ռումինիայի հավաքականի հետ:
Երկրորդ տուրում՝ հոկտեմբերի 12-ին, Աբրահամ Խաշմանյանի սաները Տուչոլա քաղաքում կխաղան լեհերի, հետ, իսկ վերջին տուրը տեղի կունենա հոկտեմբերի 15-ին: Այդ օրը Հայաստանի հավաքականը Տուչոլայում կմրցի Լիտվայի հավաքականի հետ:
