Հայաստանի արտաքին գործոց նախարարության կողմից տարածած ֆոտոնկարները, որնցում պատկերված է հրաձգարանի վերածված Հին Ջուղայի գերեզմանոցը, արվել ենյ ժատ մոտ տարածությունից, այնպես որ դրանց վրա հստակ երեւմ են բոլոր ռազմական պարագաները: «Մենք պաշտոնական տեղեկատվություն չունենք վերը նշված հրաձգարանի` Ադրբեջանին պատկանելու վերաբերյալ», հայտարարել է Ադրբեջանի ԱԳՆ մամլո եւ ինֆորմացիոն քաղաքականության բաժնի պետ Թահիր Թաղիզադեն, հայտնում է Բաքվի «Զերկալո» թերթը: Նրա խոսքերով, նույնիսկ եթե հաստատվի ռազմական հրաձգարանի ադրբեջանական պատկանելիությունը, ապա ոչ մի զարմանալի բան չկա: «Ռազմական բնագավառում կատարվող միջոցառումները հանդիսանում են յուրաքնչյուր պետության իրավունքը: Ադրբեջանը շատ ավելի ունի այդ իրավունքը, քանի որ մեր տարածքների 20 տոկոսը գտնվում է օկուպացիայում»,- ընդգծել է նա:

Թաղիզադեն հերքեց հայկական աղբյուրների կողմից տարածած տեղեկությունները Ադրբեջանի կողմից հայկական գերեզմանների ոչնչացման վերաբերյալ: «Ադրբեջանի ԱԳՆ բազմաթիվ անգամներ է խոսել այդ հարցում մեր երկրի դիրքորոշման մասին: Հայկական կողմի այդպիսի դեզինֆորմացիան ուղղված էառանց այդ էլ բանակցային գործընթացի դեմ այն նպատակով, որ հետագայում բանակցությունների հնարավոր բացասական արդյունքի մաղքը բարդեն Ադրբեջանի վրա: Գործեր իրական դրությունը կայանում է նրանում, որ հենց ադրբեջանական հուժարձաններն են անխնա ձեւով ոչնչացվում օկուպացված եւ Հայաստանի տարածքներում: Մաենայն հավանականությամբ, այդ կարգի անհիմն հայտարարություններով Հայաստանը փորձում է շեղել միջազգային հանրության ուշադրությունը իր իսկ վանդալիզմից»,- ընդգծել է Թաղիզադեն:

Հիշեցնենք, որ ՀՀ ԱԳՆ մամլո ծառայությունը Հին Ջուղայի ավերված գերեզմանատան նկարներ է տարածել: 2005 թ. դեկտեմբերին նախկին 10.000 հասնող հայ խաչքարերի մնացորդները` շուրջ 3500 խաչքարերը ամբողջությամբ ոչնչացնելուց եւ դրանց ջարդած բեկորները հայկական հին գերեզմանատնից հեռացնելուց հետո, ականատեսների տվյալներով, ս.թ. մարտի սկզբներին այդ տարածքները ադրբեջանական զինվորականության կողմից վերածվել են ժամանակակից ռազմական հրաձգարանի: