Անկախությունը. Երդիկից բարձրացող եռագույն ծուխն է, զինվորս է, սպասված օրորոցի ճռռոցն ու մանկան ճիչն է23 օգոստոսի 2013 - 17:11 AMT PanARMENIAN.Net - Անկախությունը Ազատության հրապարակում խուճուճ մազերով փոքրիկի աչքերում է, ում ճակատին ջրաներկով նկարած եռագույնն է ժպտում… Անկախությունը քեռիիս մուգ սև մուրուքն է ու վարդագույն քաղցր բամբակը. միակ բանը, որ մանկությունս ու պատերազմն է կապում իրար: Անկախությունը Սուրբ Ամենափրկիչ Ղազանչեցոցն է, կռված ու հաղթած: Շուշիի փողոցներում զենք-զենք խաղացող ճտերն են, որ սովորում են Հայրենիքը պաշտպանել: Անկախությունը «Մեր Հայրենիքը» լսելուց սիրտը արագ խփելն է… Մեր գյուղի տան երդիկից բարձրացող խաղաղ ծուխն է ու տատիս պատմությունները` մեծ տատի մասին, որ եկել էր Մուշից… Էդ տան ծուխը միշտ պահելն ու սեփական տան պատերը չկարոտելն է… հողին պինդ կպած ապրելը: Անկախությունը սկսվում է զինվորական կոշիկների երիզներից, որոնք արագ թուլացնում եմ, որ զինվորս շուտ հագնի ու չուշանա: Զինվորիս հզոր ձայնի ու «Ծառայում եմ Հայաստանի Հանրապետությանը» մեջ է… Անկախությունը սպասված օրորոցի ճռռոցն ու մանկան ճիչն է: Հաղթած Դուշման Վարդանի անունով կոչվող Հայրենիքին տված ևս մեկ զինվորի ու իմ պարտքի մեջ է… հաջորդ զինվորը ծնող ևս մեկ մոր մեջ: Անկախությունը հավատի մեջ է, որ վաղվա օրն ու մնացած բոլոր օրերը ԵՌԱԳՈՒՅՆ են: Մարի Թարյան / PanARMENIAN News Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման |