Վարչապետ․ Պետք է ստեղծենք տարածք, որտեղ հայերն ու վրացիները կգործակցեն տարբեր ոլորտներում 29 օգոստոսի 2013 - 20:53 AMT PanARMENIAN.Net - Վարչապետ Տիգրան Սարգսյանն ընդունել է Վրաստանի փոխվարչապետ, էկոնոմիկայի և կայուն զարգացման նախարար Գեորգի Կվիրիկաշվիլիի գլխավորած պատվիրակությանը: Կարևորելով Վրաստանի հետ հարաբերությունների հետագա զարգացումը՝ վարչապետը նշել է. «Մենք պետք է շարունակենք ջանքեր գործադրել՝ երկկողմ կապերի զարգացման և ընդլայնման համար: Դա բխում է մեր ժողովուրդների շահերից: Պետք է ստեղծենք ընդհանուր տարածք, որտեղ մեր ժողովուրդները կգործեն ազատ, կգործակցեն տարբեր ոլորտներում, ինչը կստեղծի տնտեսական կապերի խորացման մեծ հնարավորություններ»: Կառավարության ղեկավարի խոսքով՝ առկա է երկկողմ փոխըմբռնում բոլոր հարցերում, ինչը հայ-վրացական եղբայրական փոխգործակցության զարգացման կարևորագույն նախապայմաններից մեկն է, հայտնում է կառավարության մամուլի ծառայությունից: Վրաստանի փոխվարչապետն իր հերթին նշել է, որ Վրաստանի իշխանությունները ևս շահագրգռված են Հայաստանի հետ փոխշահավետ ներդրումային ծրագրերի իրականացման, տարբեր ոլորտներում կապերն ավելի սերտացնելու գործում: Այդ համատեքստում, ՀՀ վարչապետը և Գեորգի Կվիրիկաշվիլին քննարկել են տրանսպորտային հաղորդակցության, գյուղատնտեսության, զբոսաշրջության և մաքսային բնագավառներում համագործակցության խորացմանը, ինչպես նաև Երևանի և Թբիլիսիի միջև ուղիղ ավիաչվերթերի վերականգնմանն առնչվող հարցեր: Կողմերը կարևորել են նաև հայ-վրացական միջկառավարական հանձնաժողովի նիստերի անցկացումը: Պայմանավորվածություն է ձեռք բերվել այն անցկացնել մոտ ապագայում:   Ուշագրավ Ժամը 15:00-ի դրությամբ իրադրությունն առաջնագծում հարաբերականորեն կայուն է Նշվում է, որ նման դրսևորումները դեմ են բոլոր միջազգային հումանիտար օրենքներին Ուղիղ չվերթերն իրականացվելու են շաբաթական 2 անգամ Նրանք արդեն եղել են Ակադեմիական քաղաքի տարածքներում   Ամենաընթերցվողը բաժնում |  Վերջին լուրեր Միշելը հուսով է՝ Բաքուն ու Երևանը Քիշնևում կհաստատեն հարաբերությունները կարգավորելու կամքը  «Դա կարևոր հանդիպում կլինի»,-ասել է նաԱՄՆ հայ հոգևոր առաջնորդները զգուշացրել են Բայդենին՝ Արցախն Ադրբեջանի ենթակայության տակ դնելը «մահվան դատավճիռ է» Նրանք կոչ են արել Բայդենին կիրառել ազատության աջակցման օրենքի դրույթները«Պատիվ ունեմ» դաշինքի նախընտրական շտաբի պետը ընտրակաշառք տալու համար ազատազրկվել է 4 տարով Առգրավված ընտրակաշառքի՝ 15,000, 14,000, 10,000, 60,000 դրամ գումարները դատարանի դատավճռով ենթակա են բռնագրավմանՎարդանյան․ Հունիսի 1-ը նշելիս հիշեք 6 ամիս շրջափակման մեջ գտնվով Արցախի 30,000 երեխայի մասին «Ես՝ Ռուբեն Վարդանյանս, պատասխանատու եմ, որ այս երեխաները շարունակեն մեծանալ այստեղ, կրթություն ստանան»,-գրել է նա |
