Զեկույց. Հայաստանում մարդիկ իրենց ավելի երջանիկ են զգում, քան Վրաստանում 9 սեպտեմբերի 2013 - 16:08 AMT PanARMENIAN.Net - Աշխարհի երջանիկ 150 երկրների շարքում Հայաստանը զբաղեցրել է 128-րդ հորիզոնականը: Այդ մասին ասվում է ՄԱԿ հրապարակած «Երջանկության ինդեքսում» (World Happiness Report): Ըստ վարկանիշի, Հայաստանն առաջ է անցել Վրաստանից, որը զբաղեցնում է 134-րդ հորիզոնականը: Բայց արդյո՞ք դա այդպես է: Դեպի ծով ելք չունեցող և վառելիքի բնական պաշարներից զուրկ Հայաստանը թեև ապահովում է 7-տոկոսանոց տնտեսական աճ, սակայն աղքատության բարձր մակարդակն ու գործազրկությունը ստիպում են Հայաստանի հասարակ քաղաքացիներին հեռանալ երկրից և երջանկություն փնտրել օտար ափերում: Ըստ ՀՀ ֆինանսների նախարարության մշակած 2012-2025թթ. Հեռանկարային զարգացման ռազմավարական ծրագրի, նախատեսվում է մինչև 2025թ. աղքատության մակարդակը երկրում կրճատել մինչև 13,6 տոկոս, իսկ ծայրահեղ աղքատների քանակը հասցնել 1,8 տոկոսի: Միևնույն ժամանակ, նախարարությունը կանխատեսում է, որ 2013թ. աղքատության մակարդակը երկրում կկազմի 32,1 տոկոս, իսկ ծայրահեղ աղքատության՝ բնակչության ընդհանուր քանակի 2,7 տոկոսը, երբ աղքատության շեմը համարվում է 37 468 դրամը (կամ 25,9 տոկոս հին մեթոդաբանությամբ): ԱՊՀ երկրների թվում առաջատարը Մոլդովան է՝ 53-րդ հորիզոնական, նրան հաջորդում է Ղազախստանը՝ 57-րդ տեղ, Թուրքմենստանը՝ 59-րդ, Ուզբեկստանը՝ 60-րդ, Բելառուսը՝ 66-րդ, Ռուսաստանը՝ 68-րդ, Ուկրաինան՝ 87-րդ, Ղրղզստանը՝ 89-րդ, ինչպես նաև Տաջիկստանը՝ 125-րդ տեղը: Իրանը՝ 115-րդն է, Ադրբեջանը՝ 116-րդ, Վրաստանը՝ 134-րդ, իսկ Թուրքիան 77-րդ հորիզոնականում է: Ցանկում առաջին հորիզոնականը զբաղեցրել է Դանիան: Երկրորդ հորիզոնականում է Նորվեգիան, երրորդում՝ Շվեյցարիան: Վարկանիշի 4-րդ հորիզոնականը զբաղեցրել է Հոլանդիան, 5-րդը՝ Շվեդիան: Ռուսաստանը 68-րդ հորիզոնականում է: Վարկանիշը եզրափակում են աֆրիկյան երկրները՝ Տոգոն, Բենինը եւ Կենտրոնական-Աֆրիկյան Հանրապետությունը: Երկրների վրա ազդեցություն թողնող առանցքային գործոնների թվում առանձնացվում է ՀՆԱ-ն, կյանքի սպասվող տևողությունը, հուսալի մարդու ներկայությունը, ընտրության ազատությունը, կոռուպցիայի բացակայությունն ու առատաձեռնությունը: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |