ԱՄՆ Սենատը մտադիր է առաջարկել Օբամային 45 օրով հետաձգել հարվածը Սիրիային12 սեպտեմբերի 2013 - 15:23 AMT PanARMENIAN.Net - ԱՄՆ Սենատը մտադիր է առաջարկել Բարաք Օբամային 45 օրով հետաձգել հարվածը Սիրիային, ինչը թույլ կտա կյանքի կոչել Մոսկվայի նախաձեռնությունը քիմիական զենքը միջազգային հսկողությանը հանձնելու վերաբերյալ, գրում է «Կոմերսանտ» թերթը: Դիվանագիտական ջանքերի արդյունքներին սպասելու որոշման մասին Օբաման հայտարարել էր ԱՄՆ ժողովրդին ուղղված իր հեռուստաուղերձում: Ըստ թերթի աղբյուրների, Սպիտակ տան խմբագիրները ստիպված էին վերջին պահին, տառացիորեն ելույթից մի քանի ժամ առաջ փոփոխություններ մտցնել Օբամայի ելույթում: Ըստ աղբյուրների, սկզբում նախատեսվում էր, որ Օբաման կբացատրի համաքաղաքացիներին, թե ինչու է հարկավոր ԱՄՆ զինված միջամտությունը ներսիրիական հարցերին: Սակայն արդյունքում նախագահն, ինչպես հայտնի է, խոստացավ, որ Վաշինգտոնը կուսամնասիրի ռուսական նախաձեռնությունը և կշարունակի խորհրդակցությունները Մոսկվայի հետ այդ թեմայի շուրջ: Օբաման նաև հայտնեց, որ խնդրել է Կոնգրեսին հետաձգել քվեարկությունը սիրիական բանաձևի վերաբերկալ: Շաբաթվա սկզբում Մոսկվան առաջարկեց Դամասկոսին հանձնել միջազգային հսկողությանը իր մոտ եղած քիմիական զենքը: Սիրիան արդեն համաձայնվել է այդ առաջարկությանը: Սեպտեմբերի 10-ին Սիրիայի ԱԳ նախարար Վալիդ Մուալլեմը ՌԴ Պետդումայի նախագահ Սերգեյ Նառիշկինի հետ հանդիպմանը հայտարարել է, որ քիմիական զենքը միջազգային հսկողությանը հանձնելու վերաբերյալ Ռուսաստանի առաջարկը հավանության է արժանացել պաշտոնական Դամասկոսի կողմից: Ռուսաստանը նաև ՄԱԿ ԱԽ է փոխանցել սիրիական գրոհայինների կողմից քիմիական զենք օգտագործելու ապացույցները: Սիրիական ընդդիմության ազգային կոալիցիան ռուսական առաջարկն անընդունելի քաղաքական քայլ է համարել: Սակայն ավելի ուշ մեկ այլ ընդդիմադիր կազմակերպության՝ Սիրիայի Ազգային համակարգող կենտրոնի ղեկավար Հեյսամ Մանաան հայտարարել է, որ ընդդիմությունն առաջարկել է Ռուսաստանի հսկողությանը հանձնել Սիրիայի քիմիական զենքը մինչ անցումային կառավարության ձևավորումը: Սեպտեմբերի 12-ին Սիրիական ընդդիմության զինված թևը՝ Սիրիայի ազատ բանակը (ՍԱԲ), մերժել է քիմիական զենքը միջազգային հսկողությանը հանձնելու վերաբերյալ ռուսական նախաձեռնությունը, հինգշաբթի հայտնել է «Ֆրանս պրես» գործակալությունը, ՍԱԲ զինված կազմավորումների հրամանատար Սելիմ Իդրիսի հայտարարության վրա հղումով: Ռուսաստանը նաև ՄԱԿ ԱԽ է փոխանցել սիրիական գրոհայինների կողմից քիմիական զենք օգտագործելու ապացույցները: Ինչպես խոստովանել են Սպիտակ տանը, քիմիական զենքը միջազգային հսկողությանը հանձնելու նախաձեռնությունը երկրորդ պլան է մղել Սիրիայում ռազմական միջամտության հարցը: ԱՄՆ ժողովրդին հասցեագրված ուղերձում ԱՄՆ նախագահ Բարաք Օբաման հայտարարել է, որ ԱՄՆ-ն չի միջամտի Սիրիայի քաղաքացիական պատերազմին: «Ես դեմ էի ռազմական գործողություններին, քանի որ մենք չենք կարող դադարեցնել օտարների քաղաքացիական պատերազմը ուժ կիրառելով»,-ասել է Օբաման: Նա նշել է նաև, որ հարվածը Սիրիային, որը կկանխի քիմիական զենքի կիրառումը, բխում է ԱՄՆ շահերից: «Դա իմ գնահատականն է որպես գլխավոր հրամանատարի»,- նշել է նախագահը՝ հաստատելով, որ Վաշինգտոնը չի կասկածում օգոստոսի 21-ին Դամասկոսի արվարձանում քիմիական գրոհին սիրիացի ղեկավարների մեղսակցությանը: ԱՄՆ նախագահը նաև դիմել է Կոնգրեսին՝ առաջարկելով հետաձգել Սիրիայի վերաբերյալ քվեարկությունը ռուսական առաջարկի պատճառով: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 100 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: ԱՄՆ-ն Ասադին մեղադրում է օգոստոսի 21-ին Դամասկոսի արվարձանում քիմիական հարձակման մեջ, որի հետևանքով ավելի քան 1400 մարդ զոհվեց: Սիրիական իշխանությունները կտրականապես հերքում են քիմիական զենքի կիրառումն ու հարձակման մեջ մեղադրում են ապստամբներին: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |