Հայաստանը Չերնոգորիայի դիվանագետների համար վերացնում է մուտքի արտոնագրի պահանջը26 սեպտեմբերի 2013 - 13:09 AMT PanARMENIAN.Net - Հայաստանի Հանրապետությունը և Չերնոգորիան փոխադարձաբար չունեն դիվանագիտական ներկայացուցչություններ միմյանց պետություններում, ինչը բարդացնում է երկու պետությունների դիվանագետների կողմից մուտքի արտոնագրի ձեռքբերումը: Ելնելով այս հանգամանքից՝ կառավարությունն այսօր կայացած նիստում հավանություն է տվել «Հայաստանի և Չեռնոգորիայի կառավարության միջև դիվանագիտական անձնագիր կրողների համար մուտքի արտոնագրի պահանջի վերացման մասին» համաձայնագրի կնքման առաջարկությանը: Սույն համաձայնագրի ստորագրումը ուղղված է լրացնելու այդ բացը և, միաժամանակ, նպաստելու Հայաստանի Հանրապետության և Չերնոգորիայի միջև բարեկամական հարաբերությունների զարգացմանը և ամրապնդմանը, պաշտոնական այցելությունների խթանմանը: Հայաստանի Հանրապետությունն ունի դիվանագիտական անձնագրերով մուտքի արտոնագրի պահանջի վերացման վերաբերյալ համաձայնագրեր բազմաթիվ պետությունների, այդ թվում` Եվրոպական Միության անդամ և անդամ չհանդիսացող մի շարք եվրոպական երկրների հետ (Սերբիա, Սլովակիա, Խորվաթիա, Կիպրոս, Լեհաստան, Ֆրանսիա և Շվեյցարիա): Միաժամանակ, Հայաստանի Հանրապետության և Եվրոպական միության միջև ստորագրվել է վիզաների տրամադրումը դյուրացնելու մասին համաձայնագիր, որով, ի թիվս այլ դրույթների, նախատեսվում է վերացնել ԵՄ պետություններ այցելելիս մուտքի արտոնագրի պահանջը դիվանագիտական անձնագրեր կրող ՀՀ քաղաքացիների համար: Հետևաբար, այս Համաձայնագրի ստորագրումը կարևոր քայլ է ոչ ԵՄ անդամ Չերնոգորիայի հետ նույնպես հաստատելու դիվանագիտական անձնագրերով մուտքի արտոնագրի ազատականացված ռեժիմ: 2013 թ. հունվարի 10-ից ԵՄ անդամ երկրի, ինչպես նաև Շենգենյան գոտում գտնվող, սակայն Եվրամիության անդամ չհանդիսացող Իսլանդիայի, Լիխտենշտեյնի, Նորվեգիայի և Շվեյցարիայի քաղաքացիները Հայաստանի տարածք կարող են մտնել առանց մուտքի արտոնագրի: Երեք տասնյակից ավելի երկրների քաղաքացիները ՀՀ տարածքում կարող են մնալ առավելագույնը 180 օր՝ մեկ տարվա ընթացքում: Արևելյան գործընկերության ծրագրով Եվրոպան նույնպես 2012-ի դեկտեմբերին Հայաստանին ընդառաջ քայլ արեց՝ Հայաստանի 16 խումբ քաղաքացիների համար դյուրացնելով մուտքի արտոնագիր ստանալը`ուսանողներ, գիտնականներ, մարզիկներ, լրագրողներ, արվեստի գործիչներ, Եվրոպայում օրինական բնակվող հարազատներ ունեցողներ, սփյուռքահայ կազմակերպությունների կողմից հրավեր ստացած անձիք: Համաձայնագրով նվազել է նաև Շենգենի վիզայի արժեքը՝ 60 եվրոյից մինչև 35 եվրո: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |