Թուրքիան մտադիր է երկարացնել Սիրիայում գործողություն անցկացնելու իրավունքի ժամկետը 2 հոկտեմբերի 2013 - 15:39 AMT PanARMENIAN.Net - Թուրքիայի կառավարությունն այսօր խորհրդարան է ներկայացրել Սիրիայի կողմից հնարավոր սպառնալիքին հակազդելու վերաբերյալ մանդատը մեկ տարով երկարացնելու հարցումը: Փաստաթուղթը Թուրքիայի կառավարությանն օժտում է անդրսահմանային զինված գործողություններ անցկացնելու լիազորություններով: Հարցման մեջ նշվում է, որ Թուրքիայում գնալով ահագնանում է Սիրիայից բխող սպառնալիքը: Մասնավորապես ասվում է, որ մինչ օրս Սիրիայում ռազմական գործողությունների հետևանքով զոհվել է Թուրքիայի 71 քաղաքացի, իսկ սիրիացի փախստականների քանակը Թուրքիայում գերազանցել է 500 հազարը: «Ռեժիմն, անտեսելով միջազգային իրավունքի նորմերը, բալիստիկ հրթիռների, ծանր զինատեսակների ու ռմբակոծությունների հետ մեկտեղ, սկսել է նաև քիմիական զենք կիրառել սեփական ժողովրդի դեմ»,-ասվում է հարցման մեջ: ՄԱԿ ԱԽ բանաձևի վրա հղումով ասվում է, որ քիմիական զենքի կիրառումը Սիրիայում սպառնալիք է միջազգային անվտանգությանը: «Թուրքիան առավելապես կարող է տուժել Սիրիայի հարձակումներից, ինչպես նաև այդ երկրում անորոշությունից ու քաոսից: Իրադարձությունները հուշում են, որ անհրաժեշտ է քայլեր ձեռնարկել Սիրիայից բխող սպառնալիքներին դիմակայելու համար, որոնք նախատեսված են միջազգային իրավունքով»,-ասվում է փաստաթղթում, հայտնում է trtrussian-ը: Սեպտեմբերի 17-ին թուրքական ավիացիան սիրիական ուղղաթիռ խփեց Հաթայ գավառում այն բանից հետո, երբ Մի-17 ուղղաթիռը զգուշացվեց սահմանը խախտելու մասին: Այդ մասին ասվում է Թուրքիայի ԳՇ հայտարարության մեջ: Երկու օդաչուները հասցրեցին փրկվել և բարեհաջող վայրէջք կատարեցին, սակայն սպանվեցին «Սիրիայի ազատ բանակի» գրոհայինների կողմից: Ըստ Vatan թերթի, Թուրքիան է քիմիական զենքի բաղադրիչներ առաքել սիրիացի գրոհայիններին: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 100 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: Photo: www.marbleport.com Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |