ԱՄՆ Կոնգրեսը կարող է նոր պատժամիջոցներ ընդունել Իրանի դեմ 3 հոկտեմբերի 2013 - 10:46 AMT PanARMENIAN.Net - Չնայած Իրանի ու ԱՄՆ հարաբերությունների որոշակի ջերմացմանը, ԱՄՆ Կոնգրեսը կարող է պատժամիջոցների նոր փաթեթ ընդունել Իրանի դեմ, հայտնում է Associated Press-ը: Պատժամիջոցների մասին օրինագծի վրա աշխատում են ինչպես Հանրապետական, այնպես էլ Ժողովրդավարական կուսակցությունները: Հավանաբար, ըստ աղբյուրի, աշխատանքը կավարտվի նոյեմբերին: Այդպիսով, ԱՄՆ վարչակազմը ժամանակ կունենա հետևելու համար Իրանի քաղաքականությանը: Պատժամիջոցների նոր փաթեթը կարող է Թեհրանի վրա ազդելու լրացուցիչ լծակ հանդիսանալ: 2013 թ. սեպտեմբերի 27-ին տեղի ունեցավ Իրանի ու ԱՄՆ նախագահների հեռախոսազրույցը, որն առաջին դիվանագիտական շփումնր էր բարձր մակարդակով 1979 թ. ի վեր, երբ Իրանում տեղի ունեցավ Իսլամական հեղափոխություն, գրում է ՌԲԿ-ն: Ավելի վաղ CBS հեռուստաալիքին ԱՄՆ պետքարտուղար Ջոն Քերին հայտարարել էր, որ Իրանի դեմ պատժամիջոցներից հրաժարվելու մասին պայմանավորվածությունը կարող է ձեռք բերվել ավելի շուտ, քան նախատեսվում էր, եթե Թեհրանը բաց մոտենա հակասությունների կարգավորմանը: «Եթե Իրանի միջուկային ծրագիրն իրոք խաղաղ բնույթ է կրում, ինչպես վստահեցնում է Թեհրանը»,-ասել է Քերին: Իրանական կողմը պետք է ազատ մուտք ապահովի իր միջուկային օբյեկտներ, համաձայնվի միջազգային տեսչական այցերի և կամավոր հրաժարվի ուրանի հարստացումից՝ բավարարվելով խաղաղ ծրագրի համար անհրաժեշտ քանակով: Ելույթ ունենալով Նյու Յորքում ՄԱԿ ԳՎ, Իրանի նախագահ Հասան Ռոուհանին հայտարարել է, որ Իրանը պատրաստ է բանակցություններ սկսել միջուկային հարցի կարգավորման շուրջ: Նյու Յորքում նաև տեղի է ունեցել «վեցնյակի» հանդիպումը Իրանի հետ, որից կողմերը գոհ են մնացել, և երկխոսություն է հաստատվել ԱՄՆ ղեկավարության հետ: Միևնույն ժամանակ Իրանի հարաբերություններն Արևմուտքի հետ մտահոգում են Իսրայելին: Վարչապետ Նեթանյահուն կոչ է արել ԱՄՆ նախագահին չհրաժարվել Իրանի հանդեպ պատժամիջոցներից: ԱՄՆ-ն մեղադրում է Իրանին ատոմային զենքի ստեղծման ուղղությամբ գաղտնի աշխատանք տանելու մեջ: Դեռ 2002թ. ԱՄՆ նախագահ Ջորջ Բուշը դասեց Իրանը «չարիքի առանցքի» երկրների շարքին, որոնք ֆինանսավորում են ահաբեկիչներին ու ձգտում միջուկային զենք ստանալ: Թեհրանը հայտարարում է, որ բացառապես խաղաղ նպատակներ է հետապնդում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |