ԱՄՆ-ում շրջանառության մեջ դրվեց նոր 100-դոլարանոց թղթադրամը 8 հոկտեմբերի 2013 - 10:38 AMT PanARMENIAN.Net - 100 դոլար արժողությամբ նորացված թղթադրամն այսօրվանից ԱՄՆ-ում շրջանառության մեջ դրվեց եռամյա հետաձգումից հետո, քանի որ տպագրության ժամանակ 1 մլրդ թղթադրամ խոտանի էր վերածվել: Թղթադրամները լրացուցիչ պաշտպանություն ունեն, ներառյալ եռաչափ պաշտպանիչ կապույտ ժապավենը: Շրջելով թղթադրամը՝ հնարավոր է տեսնել, թե ինչպես են այնտեղ պատկերված զանգակները վերածվում 100 թվանշանի: Թղթադրամն ունի նաև լրացուցիչ պաշտպանիչ ժապավեն, ինչպես նաև միկրոդրոշմ: Իսկ թղթադրամի վրա պատկերված որոշ օբյեկտներ փոխում են գույնը շրջելիս՝ օրինակ, թանաքամանի մեջ ավելացված զանգակը փոխում է գույնը պղնձագույնից մինչև կանաչը և հակառակը: Անփոփոխ է մնացել Բենջամին Ֆրանկլինի դիմանկարը, որն ԱՄՆ հինմնադիր հայրերից է: Բոլոր այդ նորամուծությունները բարձրացրել են թղթադրամի արժեքը 11-ից մինչև 14 ցենտ: Ինչպես նշվում է ՌԴԾ հաղորդագրությունում, մարդկանց ավելի հեշտ կդառնա ստուգել թղթադրամների իսկությունը, իսկ կեղծարարներին՝ ավելի դժվար կեղծել դրանք: Թղթադրամները տպագրում է ԱՄՆ Ֆինանսների նախարարության Փորագրության և մամուլի բյուրոն: Թղթադրամների դիզայնն առաջին անգամ ներկայացվել է դեռ 2010 թվականին, սակայն տեխնիկական խոտանի պատճառով դրանց թողարկումը հետաձգվել է: Ըստ ՌԴԾ-ի, ապրիլի 17-ին շրջանառության մեջ էր 1,18 տրլն դոլար, ընդ որում երկու երրորդը ԱՄՆ-ից դուրս: Վերջին 5 տարում շրջանառության մեջ գտնվող դոլարների քանակն ավելացել է 42 տոկոսով, վկայում են Financial Times-ի տվյալները: Ինչպես գտնում են վերլուծաբանները, պահանջարկի աճը ևս մեկ ապացույց է, որ դոլարը պահպանում է աշխարհի գլխավոր ռեզերվային արժույթի իր կարգավիճակը: Ըստ փորձագետների, այդ կարգավիճակը ԱՄՆ-ին թույլ կտա տարեկան տնտեսել մոտ 29 մլրդ դոլար պետպարտքի սպասարկման համար, հայտնում է «Ինտերֆաքսը»: Թղթադրամներն ենթադրվում էր շրջանառության մեջ դնել դեռ 2010 թվականի փետրվարին, սակայն հոկտեմբերի 1-ին ԱՄՆ ՌԴԾ-ն հայտարարեց, որ նոր թղթադրամների մոտ մեկ երրորդը խոտանվեց: 100-դոլարանոց թղթադրամներն ավելի շատ են կեղծվում, քանի որ լայնորեն տարածված են: Այժմ շրջանառության մեջ գտնվող թղթադրամների 0,01 տոկոսն ազատ շրջանառությունում է, հայտնում է «ՌԻԱ Նովոստի»-ն: Շրջանառվող թղթադրմները թողարկվել են 1990-1996 թվականներին: Photo: AP Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |