  Բողոքող բրազիլացի ուսուցիչները որոշել են ինքնուրույն բարձրացնել աշխատավարձը՝ կողոպտելով բանկերը (վիդեո)  8 հոկտեմբերի 2013 - 14:21 AMTPanARMENIAN.Net - Բրազիլացի ուսուցիչների բողոքի ակցիան կրկին վերածվել է զանգվածային անկարգությունների և բախումների ոստիկանության հետ: Ցուցարարներին հանդարտեցնելու համար ոստիկանները նույնիսկ արցունքաբեր գազ են օգտագործել: Ինչպես հայտնում է «Ինտերֆաքսը», ուսուցիչները պահանջում են բարձրացնել աշխատավարձերը: Բողոքի ակցիային Ռիո դը Ժանեյրոյում մասնակցել է մոտ 10 հազար մարդ: Սկզբից ցույցը խաղաղ է եղել, հետո մթնշաղին մասնակիցներից ոմանք սկսել են ագրեսիվ պահել իրենց: Երբ ոստիկանության բաժանմունքի ուղղությամբ պայթուցիկով շշեր նետվեցին, ի պատասխան ոստիկանությունը ստիպված եղավ արցունքաբեր գազ կիրառել: Սան Պաուլուում նմանատիպ ակցիան ավարտվեց ոստիկանության հետ բախումով: Ցուցարարները, քողարկելով դեմքերը, բանկերի մի քանի բաժանմունքներ են կողոպտել: Հոկտեմբերի 2-ին Բրազիլիայի ուսուցիչները գրեթե ջախջախեցին Ռիո դը Ժանեյրոն: Ամեն ինչ սկսվեց խաղաղ ցույցից, որի մասնակիցները պահանջում էին բարձրացնել աշխատավարձերն ու բարելավել աշխատանքի պայմանները: Սակայն շուտով ամբոխի տրամադրությունը փոխվեց՝ առաջին պլան դուրս եկան ագրեսիվ տրամադրված ակտիվիստները: Ցուցարարները սկսեցին ջարդել ցուցափեղկերը, կանգառներն ու բանկոմատները, հրկիզել այն ամենն, ինչ այրվում է: Ոստիկանությունը երկար ժամանակ չէր կարողանում իրավիճակը վերահսկել: Հանդարտեցնել ցուցարարներին հաջողվեց միայն արցունքաբեր գազի միջոցով: Բախումներից տուժել է առնվազն 15 մարդ: Ուսուցիչներն արդեն երկրորդ ամիսն է գործադուլ են անում՝ նրանք պահանջում են բարձրացնել աշխատավարձերն ու բարելավել աշխատանքի պայմանները: Ինչպես ասում են իրենք ուսուցիչները, պաշտոնյաներն առաջարկում են զգալիորեն քիչ պահանջվածից, ուստի ցուցարարները որոշել են ուշադրություն գրավել և գրոհել շենքը: 2013 թվականի ամռանը Բրազիլիայում իրենց իրավունքներն էին պաշտպանում 2,5 մլն մարդ: Բրզաիլիայի կառավարությունը կատարեց նրանց գրեթե բոլոր պահանջները, օրինակ, չեղյալ հայտարարեց ուղեվարձի թանկացումը, ինչն էլ սկիզբ էր հանդիսացել բողոքի զանգվածային ակցիաների համար:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Պապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել  Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըՋահերով երթը կմեկնարկի Հանրապետության հրապարակից Կսահմանափակվի երթևեկությունը մայրաքաղաքի մի շարք փողոցներումՖրանսահայ լրագրողի մուտքը ՀՀ արգելվել է․ Նա «Զվարթնոց» օդանավակայանում հացադուլ է հայտարարել «Ես Հայաստանից գնացոը չեմ, հենց այստեղ, անձնագրային բաժնում, հայտարարում եմ հացադուլ»,–ասել է նա տեսաուղերձումՆոյեմբերյանի ղեկավար կազմը հայտարարել է՝ չի աջակցում սահմանազատման գործընթացին Նշվում է, որ նրանք աջակցում ենք խաղաղության հաստատմանը, սակայն այս գործընթացը փաստացի ՀՀ կողմից միակողմանի զիջում է |
