Լիբիայի առևանգված վարչապետն ազատ է արձակվել10 հոկտեմբերի 2013 - 18:05 AMT PanARMENIAN.Net - Զինված խմբավորումը, որն, ինչպես համարվում է, չեզոք է վերաբերվում Լիբիայի կառավարությանը, ազատ է արձակել երկրի վարչապետ Ալի Զեյդանին՝ մի քանի ժամ պահելուց հետո: Հակասական տեղեկություններ են ստացվում այն մասին, թե արդյոք կամավոր են նրանք ազատել Զեյդանին: «Հեղափոխականների օպերատիվ օղակ» խմբավորման զինյալները վարչապետին տարել են Տրիպոլիում գտնվող հյուրանոցից արևածագին: Զեյդանն արդեն ձերբակալված է «դատախազի կարգադրությամբ» և կապել է դա իսլամիստ Անաս ալ Լիբիին բռնելու գործողության հետ, որին անցած շաբաթ Տրիպոլիից տարհանեցին ամերիկյան հատուկ նշանակության ուժերը: Զեյդանին պահել են հանցավորության դեմ պայքարի բաժնի շենքում, որին ձևականորեն ենթարկվում են «հեղափոխականները»: Նրան ազատ արձակեցին, երբ շենքի առջև հավաքվեց զինյալների ամբոխ, որոնց ուղղությամբ սկսել են կրակել: Կառավարության ներկայացուցիչն ասել է, որ վարչապետին «ոչ թե ազատ են արձակել, այլ ազատել են», հայտնում է ВВС-ին: Ալի Զեյդանն արդեն գրել է Twitter-ում, որ իր հետ ամեն ինչ կարգին է: Նա հայտնել է նաև, որ առևանգիչները փորձել են ստիպել նրան հրաժարական տալ, սակայն նա հրաժարվել է դա անել: Լիբիայում հայտնվել են զինյալ կազմավորումներ, որոնք ձևականորեն գտնվում են այս կամ այն նախարարությունների տնօրինության տակ, սակայն փաստացի հաճախ ինքնուրույն են գործում: Ալի Զեյդանը դիմել է Արևմուտքի երկրներին՝ խնդրելով օգնել Լիբիայի գրոհայիններին սանձելու գործում: Նա խոստովանել է, որ իր երկիրն ի վիճակի չէ գլուխ հանել զինյալ իսլամիստների հետ պայքարից առանց Արևմուտքի օգնության: Շաբաթ օրը ԱՄՆ հատուկ նշանակության ուժերը Տրիպոլիից տարհանեցին Անաս ալ Լիբիին, որին Վաշինգտոնում համարում են «Ալ Քայիդայի» առաջնորդներից մեկը, որը պատասխանատու է Քենիայում և Տանզանիայում 1998 թ. ԱՄՆ դեսպանատների պայթեցման համար: Երկուշաբթի օրը Լիբիայի իշխանությունները պաշտոնական բացատրություններ են պահանջել ԱՄՆ դեսպանից: ԱՄՆ-ն պնդում է, որ Ալ Լիբին, որի իսկական անունը Նազիհ Աբդուլ Համեդ Ռուկաի է, «օրինական թիրախ» էր: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |