Բեշիր Աթալայ. Անկարայի համար առաջնային է, որ քուրդ գրոհայինները հեռանան երկրից

PanARMENIAN.Net - Թուրքիան շարունակում է ջանքեր գործադրել, որպեսզի ՔԱԿ գրոհայինները հեռանան երկրի տարածքից, ասել է վարչապետ Բեշիր Աթալայը, հայտնում է Haber 7 հեռուստաալիքը: Ըստ նրա, այս պահի դրությամբ քուրք գրոհայինների հեռացումը գերակայություն է Անկարայի համար:

Կալանքի մեջ գտնվող քրդերի առաջնորդ Աբդուլլահ Օջալանը կոչ էր արդել ՔԱԿ անդամներին վայր դնել զենքն ու հեռանալ երկրից: Թուրքիայի իշխանություններն, իրենց հերթին, խոստացել էին զենքը վայր դրած բոլոր գրոհայինների համար անվտանգ ելք ապահովել երկրից: Գրոհայինները սկսեցին լքել Թուրքիան մայիսի 8-ին: Ըստ Թուրքիայի փոխվարչապետ Բյուլենթ Առինջի, Թուրքիայում մոտ 2 000 գրոհայիններ կային, որոնց 20 տոկոսն արդեն հեռացել է երկրից:

1984 թվականի օգոստոսին Քրդստանի աշխատավորական կուսակցությունը պատերազմ հայտարարեց Թուրքիայի պաշտոնյաներին, որը շարունակվում է մինչ օրս: Մինչ 1999 թվականը ՔԱԿ-ը հանդես էլ գալիս ծայրահեղական պահանջներով՝ միասնական ու անկախ Քրդստանի հռչակում, որը կմիավորի քրդական տարածքները, որոնք այժմ Թուրքիայի, Իրանի, Իրաքի ու Սիրիայի սահմաններում են: