Դամասկոսի բնակիչներին թույլ են տվել շուն ու կատու ուտել՝ սովամահ չլինելու համար16 հոկտեմբերի 2013 - 16:05 AMT PanARMENIAN.Net - Դամասկոսի մի քանի հեղինակավոր իմամներ հրապարակել են համատեղ ֆեթվա (կրոնական հրահանգ), որով թույլատրվում է սննդի մեջ օգտագործել շան, կատվի և ավանակի միս՝ սովամահությունից փրկվելու համար, հայտնում է BBC News-ը: Համապատասխան որոշումը կայացվել է Սիրիայի մայրաքաղաքում սնդդամթերքի լուրջ պակասի պայմաններում: Իմամները պարզաբանել են, որ սովորաբար «անմաքուր» համարվող կենդանիների միսը սննդի մեջ օգտագործելու թույլտվությունը յուրօրինակ օգնության աղերս է՝ ուղղված աշխարհին: Նրանց խոսքով, եթե սննդամթերքի հետ կապված իրավիճակը վատթարանա, քաղաքում կարող են նաև մարդակերության դեպքեր գրանցվել: Մինչ օրս նմանատիպ որոշումներ էին կայացվել նաև Հոմսում և Համայում, որտեղ դաժան մարտեր էին գնում, հայտնում է Lenta.ru-ն: Մինչ քաղաքացիական պատերազմը սննդամթերքի մեծ մասը Դամասկոսը ստանում էր շրջակա գյուղական շրջաններից: Երբ գրոհայինները վերահսկողություն հաստատեցին արվարձաններից շատերում, քաղաքը սնունդով մատակարարելու ճանապարհներից շատերը փակվեցին, ինչը գնաճի, դեֆիցիտի ու վերավաճառքի զգալի աճի պատճառ դարձավ: Սիրիայում արդեն երկու տարուց ավելի է շարունակվում են կառավարական ուժերի բախումները զինված ընդդիմության հետ: Ըստ ՄԱԿ տվյալների, Սիրիայում հակամարտության զոհերի ընդհանուր թիվը հասնում է 150 հազարի: Սիրիական իշխանությունները հայտարարում են, որ իրենց դիմակայում են լավ զինված գրոհայիններ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |