Մոսկվայի Արևմտյան շրջանում ձերբակալվել է Ադրբեջանի մոտ 50 քաղաքացի19 հոկտեմբերի 2013 - 10:40 AMT PanARMENIAN.Net - Մոսկվայի Արևմտյան շրջանում ձերբակալվել է Ադրբեջանի մոտ 50 քաղաքացի: Հատուկ նշանակության ջոկատի անդամները տարել են նրանց ոստիկանություն: Բերման ենթարկված ադրբեջանցիներն աշխատում էին ավտոսպասարկման կետում: Հոկտեմբերի 18-ի երեկոյան ՕՄՈՆ-ի անդամները բոլոր ներգաղթյալներին, որոնք աշխատում էին այդ սպասարկման կետում, տարել են ոստիկանություն: Բաժանմունքում ստուգել են նրանց գրանցման փաստաթղթերը, ինչպես նաև պարզել հնարավոր մասնակցությունն այս կամ այն հանցագործությանը: ՌԴ-ում Ադրբեջանի ՆԳՆ ներկայացուցիչը, ոստիկանության գնդապետ Էլդար Սամեդովը հայտարարել է, որ վերջին օրերին Ռուսաստանի իրավապահ մարմինների իրականցրած շուրջկալներն ուղղված ներգաղթյալների դեմ համապատասխանում են երկրի օրենսդրությանը: «Դա ոստիկանության աշխատանքն է: Ստուգվում են բոլոր ներգաղթյալները: Ում փաստաթղթերը կարգին չեն, նրանց հանդեպ կիրառվում են համապատասխան միջոցներ: Ում փաստաթղթերը հարցեր չեն առաջացնում՝ ազատ են արձակվում: Նաև ստուգվում է նրանց հնարավոր մեղսակցությունն այս կամ այն հանցագործությանը»,- ասել է նա, հայտնում է APA գործակալությունը: Հոկտեմբերի 13-ին մոսկովյան Արևմտյան Բիրյուլովո թաղամասում անկարգությունների առիթ էր դարձել հոկտեմբերի լույս 10-ի գիշերը տեղի բնակիչ 25-ամյա Եգոր Շչերբակովի սպանությունը: Սկզբում որպես «ժողովրդական հավաք» կազմակերպված ցույցը վերածվել էր անկարգությունների:Բերման է ենթարկվել 400 մարդ: Երեքշաբթի պարզվեց այդ գործով կասկածյալ Օրհան Զեյնալովի անձը: Ձերբակալության ժամանակ Զեյնալովը դիմադրել է: Ավելի ուշ, օպերատիվ աշխատակիցների հետ զրույցում նա խոստովանել էր իր մեղքը՝ ասելով, թե ինքն է դանակով հարվածել Եգոր Շչերբակովին: ՌԴ իրավապահ մարմինները հայտարարել են, որ Զեյնալովը չունի ՌԴ քաղաքացիություն: Ըստ ՌԴ ՔԿ տվյալների, կասկածյալը մոտ 10 տարի է բնակվում է Մոսկվայում, սակայն բնակության մշտական վայր չունի, չարաշահում է ալկոհոլային խմիչքները, բռնկուն է, ագրեսիվ, մշտական աշխատանք չունի: Photo: ria.ru Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |