ԱՄՆ Պետքարտուղարությունը կոչ է արել Սիրիայի իշխանություններին ապահովել հումանիտար օգնության մուտքը Դամասկոս19 հոկտեմբերի 2013 - 12:19 AMT PanARMENIAN.Net - ԱՄՆ իշխանությունները դատապարտել են Դամասկոսի արվարձանների տևական պաշարումը կառավարական զորքերի կողմից ու կոչ են արել Սիրիայի իշխանություններին ապահովել հումանիտար օգնության մուտքը Դամասկոս: Պետքարտուղարության կայքում հրապարակվել է ԱՄՆ Պետքարտուղարության պաշտոնական ներկայացուցիչ Ջեն Փսակիի հայտարարությունը: Փսակին «աննախադեպ է» համարել հաղորդագրություններն այն մասին, որ պաշարման հետևանքով, Սիրիայի նախագահ Բաշար Ասադի նստավայրից ընդամենը մի քանի կիլոմետր հեռավորության վրա, Դամասկոսում երեխաները մահանում են սովից: Այն փաստը, որ բնակիչների որոշ մասին թույլ են տվել հեռանալ պաշարված տարածքից, չի արդարացնում իշխանությունների գործողությունները, որոնք ստիպում են հազարավոր խաղաղ քաղաքացիների, որոնք դեռ պաշարման մեջ են, «սննդի, ջրի, բուժօգնության սուր կարիք զգալ», ասվում է Պետքարտուղարության հայտարարություն մեջ: Պետքարտուղարությունը նաև պահանջել է պատասխանտավության կանչել այն մարդկանց, որոնք մեղավոր են Դամասկոսի արվարձաններում և Սիրիայում կատարված վայրագությունների համար: Ներկայումս, ըստ ԱՄՆ տվյալների, հատկապես պաշարումից տառապում են Մուդամիայի քաղաքի բնակիչները, որոնք արդեն գրեթե մեկ տարի է զրկված են առաջին անհրաժեշտության իրերից: Ինչպես գրում է BBC News-ը, Դամասկոսի երեք արվարձաններ՝ Յարմուկը, Արևելյան Գուտան ու Մուդամիան, արդեն մի քանի ամիս է շրջափակված են կառավարական զորքերի կողմից: Մի քանի օր առաջ մահմեդական հոգևորականները թույլ տվեցին տեղի բնակիչներին սննդի մեջ օգտագործել շան, կատվի ու ավանակի միս, որոնք համարվում են անմաքուր կենդանիներ: Նման կրոնական հրահանգներ մինչ այդ արձակվել էին նաև Հոմսում ու Համայում: 2013 թվականի ամռանը սննդամթերքի կտրուկ գնաճի ֆոնի վրա Սիրիայի իշխանությունները քրեական պատասխանատվություն են սահմանել սնդդամթերքի վերավաճառքի համար: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 150 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | «Հայաքվե»․ Չհավատալ և չտարածել ադրբեջանական գերության մեջ սպառնալիքի տակ կորզված խոսքերը և ուղերձները Ադրբեջանական լրատվամիջոցներում Արցախի նախկին պաշտոնյաների հետ հարցազրույցների անոնս էր հրապարակվել Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք |